Молитва на Рождество Христово сыномъ духовнымъ.

По утрени (или часахъ) первого дня Рождественскаго поста (или иного дня 1-й постной седмицы), священникъ совершаетъ чтеніе молитвъ въ постъ идущимъ чадамъ духовнымъ. Чтеніе допускается и на дому прихожанъ, но непремѣнно на 1-й недѣлѣ поста.

Владыко, Господи Боже, Вседержителю, егда родился еси отъ Дѣвы Маріи въ Виѳлеемѣ Іудейстѣмъ, трепетно тварь просвѣтися, и міръ возрадовася рождеству Твоему. Сотворивый человѣка по образу Твоему и по подобію, и давый ему крещеніе въ покаяніе; введый рабы Твоя въ пречестныя дни сія, къ воздержанію страстемъ, къ надеждѣ воскресенія, наставляя ихъ на истину Твоего Божества, отверзи имъ сердце и умъ знати Тя Сына Божія, вземлющаго грѣхи всего міра! Ты и нынѣ Владыко, Человѣколюбче, пріими рабы Твоя N. N., якоже пріялъ еси Петра утопающа въ мори, и отвергшагося Тебе трижды и плакавшагося горько, и паки пріята Тобою; пріими и нынѣ, Владыко, слезы и воздыханіе и покаяніе рабовъ Твоихъ, якоже пріятъ мытарево воздыханіе, и блудницу плакавшуюся, и слезами омочившую нозѣ Твои, и власы своими отершую милости ради. Пріемый разбойника съ Собою, на крестѣ вопіюща къ Тебѣ «помяни мя, Господи, егда пріидеши во царствіи Твоемъ», и рекій ему: «днесь со Мною будеши въ рай»! Слышахомъ гласъ глаголющій, и волхвомъ кланяющимся съ дары, пастыремъ свиряющимъ{*} и Ангеломъ воспѣвающимъ: «слава въ вышнихъ Богу и на земли миръ, въ человѣцѣхъ благоволеніе», и Иродъ мятяшеся, яко Богъ плотію явися на спасеніе роду человѣческому. Тя нынѣ, Владыко, Человѣколюбче, вся тварь воспѣваетъ глаголющи: «Христосъ рождатся, славите, Христосъ съ небесе, срящите, Христосъ на земли, возноситеся». Нынѣ Ангельстіи собори радуются, и мученичестіи лицы веселятся, видѣвше славное и честное Рождество, да вси достойно похвалимъ сердцемъ и усты. И нынѣ, благій Человѣколюбче, Господи, пріими рабы Твоя сія N. N.. кающіяся грѣховъ своихъ, вѣдомыхъ и невѣдомыхъ, вольныхъ и невольныхъ, и обычнымъ человѣколюбіемъ Твоимъ, пріими колѣнное поклоненіе и постъ рабовъ Твоихъ N. N., да скончавше заповѣди Твоя, и достигше нынѣ святаго и честнаго Рождества Твоего, чисти и безъ порока будутъ причастницы пречистаго тѣла и честныя крове Твоея, яко Тебѣ подобаетъ слава со Отцемъ и со Святымъ Духомъ, нынѣ и присно, и во вѣки вѣковъ, аминь.

28 ноября 2025 читать далее

Служба иже во святыхъ отцу нашему преподобному Паисію Величковскому, старцу Молдавскому, благодатному молитвеннику Іисусову.

НА ВЕЛИ́ЦѢЙ ВЕЧЕ́РНИ,

Стихологису́емъ Блаже́нъ му́жъ.., 1-й антифо́нъ.

На Го́споди воззва́хъ.., стихи́ры на 8, гла́съ 4. Подо́бенъ: Да́лъ еси́ зна́меніе.

Отъ ю́ности, о́тче Паи́сіе,* кра́сная мíра преоби́дѣвъ,* возжелѣ́лъ еси́ Бо́гу угоди́ти* непоро́чнымъ житіе́мъ и́ноческимъ.* Тѣ́мже рачи́тель бы́лъ еси́ смире́нія и послуша́нія,* нищеты́ и долготерпѣ́нія,* и чистѣ́йшія любве́,* непреста́нною моли́твою Бо́гу присвоя́яся* и отъ Него́ вѣнча́яся свѣ́тло.

Я́ко благочести́ваго іере́йскаго ко́рене* пречестна́я о́трасль,* Паи́сіе блаже́нне, яви́лся еси́.* Отъ ю́ности бо возлюби́въ сло́во Бо́жіе* и въ тишинѣ́ ду́ха своего́* умудри́въ у́мъ святы́хъ оте́цъ писа́ньми,* обрѣ́лъ еси́ свѣ́тлый спасе́нія пу́ть,* и́мже дости́глъ еси́* оби́тели Ца́рствія небе́снаго.

Оте́чествія удали́лся еси́,* преподо́бне о́тче Паи́сіе,* оста́вивъ до́мъ ма́тере твоея́;* уче́ніе же су́етное вѣ́ка сего́ презрѣ́въ,* обрѣ́лъ еси́ му́дрость неувяда́ющую* въ житіи́ и́ночестѣмъ,* я́ко пчела́ цвѣ́ты слове́съ оте́ческихъ облета́я* и ме́дъ уче́нія боже́ственнаго принося́,* и́мже пита́еши чту́щія па́мять твою.

Въ земли́ не скры́лъ еси́* тебѣ́ да́ннаго свы́ше* отъ Боже́ственныя благода́ти тала́нта,* но пре́далъ еси́* и мно́гимъ инѣ́мъ незави́стно,* бога́тно же Боже́ственныхъ даро́въ,* и́мже причасти́лся еси́,* я́ко вѣ́ренъ строи́тель,* яви́лся еси́ наслѣ́дникъ Бо́жій, Паи́сіе.

Напита́лъ еси́ а́лчущія пра́вды* пи́щею небе́сною,* хлѣ́бъ бо а́нгельскій* бы́сть сло́во твое́, Паи́сіе,* изыма́я отъ плѣне́нія грѣхо́внаго* ду́ши ча́дъ твои́хъ* и ко Христу́ тѣ́хъ приводя́.* Тѣ́мже тя́ сла́вимъ, вопію́ще:* моли́ спасти́ся душа́мъ на́шимъ.

28 ноября 2025 читать далее

Замѣтка о величаніи Покрову Пресвятыя Богородицы.

Замѣтка на статью въ 46 № «Руководства для сельскихъ пастырей» за 1885 годъ: «Праздникъ въ честь Покрова Пресвятыя Богородицы и величаніе для него».

Въ названной статьѣ авторъ развиваетъ слѣдующія положенія:

1) Событіе, послужившее причиною установленія празднества въ честь Покрова Пресвятыя Богородицы, совершилось въ предѣлахъ византійской имперіи, въ стѣнахъ Константинополя, въ храмѣ Влахернской Божіей Матери[1]; но празднество установлено и служба для него составлена не въ Греціи, а въ православной Руси[2]

2) Сначала совершеніе службы Покрова со всенощнымъ бдѣніемъ предоставлено было «произволенію» настоятеля: но впослѣдствіи, именно въ церковныхъ уставахъ конца XVI и XVII в.в., служба Покрову не только вытѣснила службу болѣе древняго времени; въ честь апостола Ананіи, но и стала пополняться такими подробностями, которыя имѣли мѣсто только въ праздники дванадесятые въ честь Пресвятой Богородицы; авторъ разумѣегь особое величаніе и припѣвы на девятой пѣсни.

14 октября 2025 читать далее

Литургическая замѣтка относительно обряда надгробнаго пѣнія на Успеніе Божіей Матери.

«Успеніе должно праздноваться у васъ свѣтло, свѣтло и торжественно, ибо это праздникъ праздниковъ и торжество торжествъ» – указываетъ Типиконъ Евергетидскаго монастыря въ Константинополѣ (80-х гг. XI в.).

Торжественность праздника Успенія еще увеличается во всенощномъ бдѣніи исполненіемъ надгобнаго пѣнія въ честь «святаго преставленія» Пресвятыя Богородицы. Послѣ шестопсалмія и пѣнія «Богъ Господь, и явися намъ», пѣлась 17-я каѳизма и съ нею «Похвалы» Богородицѣ, по подобію пѣнія въ великую субботу надъ плащаницею. Этимъ пѣніемъ еще живѣе въ благочестивой мысли христіанина воспроизводится славное Геѳсиманское событіе.

Эти «Похвалы» составлены въ Іерусалимской Церкви были переведены съ греческаго языка на церковно-славянскій языкъ въ 1846 г. проф. М. С. Холмогоровымъ и тщательно пересмотрѣнъ и исправленъ свят. Филаретомъ (Дроздовымъ), митр. Московскимъ и Коломенскимъ. Святитель Филаретъ не только устроилъ при Троицкой Сергіевой лаврѣ Геѳсиманскій скитъ, и въ немъ храмъ, посвященный воскресенію Богоматери, но озаботился переводомъ съ греческаго и чинопослѣдованія, совершаемаго въ Іерусалимской Геѳсиманіи на третій день послѣ Успенія Богоматери (17 августа), и установилъ въ своей Геѳсиманіи подобный же праздникъ воскресенія Матери Божіей, празднуемый и понынѣ. Въ Кіево-Печерской Лаврѣ этотъ обрядъ совершался въ самъ день Успенія (15 августа).

27 августа 2025 читать далее

Молитва Всѣмъ Святымъ въ Землѣ Россійстѣй просіявшимъ (Одобрена Архіерейскимъ Сѵнодомъ РПЦЗ 11/24 ноября 1986 г.).

Опредѣленіе Архіерейскаго Сѵнода Русской Православной Церкви Заграницей 11/24 ноября 1986 г.

О текстѣ молитвы Всѣмъ Святымъ въ Землѣ Россійстѣй просіявшимъ.

Слушали: Составленную Преосвященнымъ Антоніемъ, Архіепископомъ Западно-Американскимъ и Санъ-Францисскимъ молитву всѣмъ Святымъ въ Землѣ Россійстѣй просіявшимъ.

Постановили: Одобрить текстъ молитвы всѣмъ Святымъ въ Землѣ Россійстѣй просіявшимъ слѣдующей редакціи:

«О, святіи вси, въ Землѣ Россійстѣй просіявшіи, благодать пріимшіи, молитеся за ны! Видите скорбь отечества своего, безкрыліе же и немощь душъ нашихъ.

Помозите намъ, разслабленнымъ и унывающимъ, умолите Всеблагаго Господа, Ему же многообразнѣ послужили есте, да наставитъ и насъ на путь нелицемѣрнаго покаянія, дѣланія же ободреннаго и усерднаго, во еже помощи многоострадальному роду нашему.

О, угодницы Божіи, намъ сродніи! Аще и сухи суть еще души наши, да не погибнетъ надежда наша и да не забудетъ убогихъ Своихъ до конца, пріемляй молитвы ваши Господь!

Сего ради и величаемъ васъ, яко ходатаевъ нашихъ, присно молящихся за ны Человѣколюбцу Богу, въ Троицѣ Святѣй славимому во вѣки вѣковъ. Аминь».

22 июня 2025 читать далее

Двѣнадцать Евангелій святыхъ Страстей.

Читаемое въ великую пятницу, повѣствованіе о страданіяхъ Iисуса Христа, расположено въ 12 частяхъ по числу 12-ти часовъ ночи съ великаго четверга на великую пятницу, которые проведены Iисусомъ Христомъ въ судѣ и страданіяхъ у первосвященниковъ.

Въ древнія времена, когда Іерусалимъ былъ подъ властію христіанскихъ государей, христіане Св. Града проводили ночь на Великую Пятницу въ общей молитвѣ. – Собравшись въ Сіонскую церковь, христіане отправлялись изъ нея крестнымъ ходомъ во главѣ съ патріархомъ и всѣмъ духовенствомъ въ церковь на горѣ Елеонской, построенную царицей Еленой на мѣстѣ, гдѣ Господь бесѣдовалъ съ апостолами предъ Своими страданіями. Эта бесѣда записана въ Евангеліи отъ Іоанна, 13 гл. 31 ст. – 17 гл. 26 ст., каковое Евангеліе, первое страстное, и прочитывалось. По прочтеніи его крестный ходъ отправлялся на мѣсто Геѳсиманской молитвы Спасителя и преданія Его Іудой и здѣсь прочитывалось Евангеліе объ этомъ, – второе страстное. Затѣмъ крестный ходъ отправлялся на новыя мѣста священныхъ воспоминаній о страданіяхъ и смерти Спасителя и на каждомъ мѣстѣ прочитывалось соотвѣтствующее воспоминанію св. Евангеліе. Такъ прочитывалось 11 Евангелій, послѣ чего крестный ходъ возвращался въ Сіонскую церковь, гдѣ въ заключеніе прочитывалось 12-е Евангеліе о запечатаніи Гроба Господня и поставленіи стражи у него на три дня. Между Евангеліями, во время крестнаго хода, христіане пѣли тѣ св. пѣснопѣнія, кои сохранились до насъ и кои поемъ и мы. Въ рукахъ у христіанъ были во время хода свѣтильники.

По примѣру ихъ, и мы стоимъ во время чтенія страстныхъ Евангелій съ свѣчами{1}. Да будутъ наши молитвы къ Господу Спасителю пламенны, да горятъ наши сердца къ Нему чувствомъ благодарности и ревностью жить по Его завѣтамъ!

Слава Страстемъ Твоимъ, Господи, слава Тебѣ!

17 апреля 2025 читать далее

Молитва, чтомая отъ іерея предъ Воскресеніемъ Христовымъ.

Эта молитва существуетъ въ рукописи и читается Кіевскими священникам и обыкновенно въ Страстную седмицу въ домахъ прихожанъ.

Благословенъ Богъ нашъ: Трисвятое. Пресвятая Троице: и Отче нашъ: Таже тропарь храма.

Господу помолимся.

Владыко, Господи Іисусе Христе, Боже, благодаримъ и величаемъ Тя Спаса и Благодателя нашего, яко сподобилъ еси насъ недостойныхъ рабовъ Твоихъ прейти время честнаго и божественнаго поста изображеннаго намъ Тобою, и поданнаго четыредесятми деньми, въ спасительное покаяніе и очищеніе душамъ и тѣломъ нашимъ: и яко въ немъ даровалъ еси намъ, на прогнаніе бѣсовскихъ козней и навѣтовъ, Образу Честнаго Твоего Креста поклонитися, егоже прикосновеніемъ недостойныхъ нашихъ устъ лобзающе цѣловахомъ, славяще Тебе, на крестѣ плотію распятаго Бога нашего: и яко далъ еси намъ дойти друга Твоего Лазаря четверодневное воскресеніе и преславное Твое еже въ Іерусалимъ на жребяти осли вхожденіе и подражательми быти еврейскихъ дѣтей вѣтви Тебѣ принесшихъ, и осанна въ вышнихъ воспѣвшихъ. Сподоби насъ видѣти пресвятыя и спасительныя Страсти Твоя, и достигнути преславное и божественное Твое Воскресеніе: и духовною радостію исполнени суще, съ Архангелы и Ангелы, и со всѣми Святыми, изряднѣе же съ Пречистою Матерію Твоею, Дѣвою Богородицею славити и хвалити Тебе воскрешаго великаго Бога и Спаса нашего Іисуса Христа. И нынѣ смиренно припадаемъ, и прилежно о рабѣхъ Твоихъ сихъ, молимъ: прійми ихъ покаяніе, молитвы, постъ, слезы, стенанія, и колѣнопреклоненія, яже Тебѣ въ сердцѣ сокрушенномъ и дусѣ смиренія о своихъ грѣсѣхъ принесоша. Прійми ихъ исповѣданіе и покаяніе, якоже мытарево воздыханіе, и прости имъ вся согрѣшенія вольная и невольная, и очисти ихъ, якоже блудницу плакавшуюся, и прійми ихъ, якоже и пріялъ еси Петра, отвергшагося Тебе и плакавшагося горько: и вложи въ сердца ихъ страхъ Твой, еже боятися Тебе и любити Тя отъ всего сердца своего, и къ тому не возвратитися къ злымъ и неподобнымъ дѣломъ, но даждь имъ хранити заповѣди Твоя во вся дни живота своего, и ходити въ воли Твоей: и сподоби ихъ быти причастниками небеснаго Твоего царствія со всѣми святыми. Твое бо есть еже миловати и спасати ны, Боже нашъ, и Тебѣ славу и благодареніе, честь и поклоненіе возсылаемъ, съ безначальнымъ Твоимъ Отцемъ, и съ пресвятымъ и благимъ, и животворящимъ Твоимъ Духомъ, нынѣ и присно, и во вѣки вѣковъ. Аминь.

14 апреля 2025 читать далее