Псалтирь, въ сокращеніи Блаженнаго Августина.

Мать блаж. Августина Моника, до глубокой старости, крѣпко подвизалась о спасеніи своемъ. Въ ея подвижническихъ правилахъ, между прочимъ, было и правило: во всякій день – прочитывать Псалтирь.

Видя мать свою, въ лѣтахъ уже престарѣлую, но великихъ подвиговъ своихъ неоставляющую, любящій и признательный сынъ ея блаж. Августинъ, для облегченія подвига матери – читать каждодневно весь Псалтирь, потрудился сократить его въ слѣдующую молитву, и далъ ее престарѣлой подвижницѣ, для ежедневнаго чтенія, вмѣсто Псалтири.

Святитель Димитрій Ростовскій, собирая матеріалы – для составленія своихъ Четьихъ-Миней, нашелъ въ рукописяхъ и сію молитву блаж. Августина. Молитва эта весьма понравилась Угоднику Божію – составителю житій Святыхъ. Онъ послалъ ее къ другу своему, Митрополиту Рязанскому, Стефану Яворскому. Митрополитъ Стефанъ, прочитавъ и, гдѣ нужно было, исправивъ сію молитву, отослалъ ее къ святителю Димитрію съ надписью: «Объявить эту молитву всѣмъ вѣрнымъ, хотящимъ чести въ пользу душевную».

СОКРАЩЕННАЯ ПСАЛТИРЬ.

1. Господи Боже Вседержителю, Царю вѣчныя славы! Ты вѣси, яко тотъ токмо человѣкъ блаженъ есть, который, презрѣвши путь грѣшныхъ, день и нощь поучается въ законѣ завовѣдей Твоихъ. Научи мя грѣшнаго и беззаконнаго служити и работати Тебѣ со страхомъ и трепетомъ, – вѣрно и отъ чистаго сердца. Услыши гласъ мой, – смиренно Тебе призывающій, премилосердно внуши глаголы моя, и не остави мене, заблуждающаго, во гнѣвѣ Твоемъ, да некогда оный древній ненавистникъ – непріятель нашъ, аки левъ, похититъ душу мою, не сущу избавляющу, ниже спасающу.

2. Господи, Господь нашъ, чудно имя Твое на небеси и на земли! Обрати врага вспять, дабы изнемогъ и погибъ отъ лица Твоего: да некогда отважится уловить сѣтьми огненными душу мою, ниже да истребитъ мя жупелъ и духъ буренъ. Но, ради бѣдности безпомощнаго, и ради плача нищаго, возстающій и внимающій имъ, призри и услыши мя, Господи: Ты бо еси совѣтъ нищаго и упованіе его. Даждь мнѣ, Боже мой, ходити безъ беззаконія и творити правду, да будетъ часть достоянія и наслѣдія моего – благодать милосердія Твоего. Сохрани мене какъ зеницу ока, и подъ сѣнію крилъ Твоихъ покрый мене: яко Ты еси крѣпость моя, утвержденіе мое и прибѣжище мое.

3. Господи, отъ тайныхъ моихъ очисти мене, и отъ чуждихъ пощади раба Твоего. Посли мнѣ помощь отъ Святаго и желаніе сердца моего исполни. Избави мя отъ устъ львовыхъ, и настави мя на стезю правды Твоея, да возмогу взыти на гору святую Твою, и стати на мѣстѣ святѣмъ Твоемъ, неповиненъ рукама и чистъ сердцемъ.

4. Грѣхъ юности моея и невѣдѣнія моего не помяни, Господи. Не погуби съ нечестивыми душу мою, и не предаждь мене въ руки гонящихъ и ненавидящихъ мя. Но милостивно услыши, Господи, гласъ моленія моего, – милосердно внемли ми, призывающему славу имени Твоего Святаго. Помилуй мене и вразуми меня, Господи Боже, да на Тебе уповая, не погибну во вѣки!

5. Господи! Остави мнѣ беззаконія сердца моего: да будетъ милость Твоя на мнѣ, яко же уповаю на Тя. Избавляй мя отъ всѣхъ оскорбленій моихъ и обстояній, рцы души моей: Твое есмь Азъ спасеніе. И зане подъ кровомъ крилъ Твоихъ надѣюся (быть), даждь мнѣ прошеніе сердца моего, и вонми въ помощь мою, Господи, Боже спасенія моего!

6. Скажи мнѣ, Господи, кончину, мою, и число дней моихъ, да разумѣю, чего лишаюся, и чего не имѣю. Услыши, Господи, гласъ молитвы моея, изведи мене изъ глубины духовной нечистоты, и отъ бренія тины. Постави на камени нозѣ мои, и стопы моя настави на стезю правую. Въ день золъ избави мя, Господи, да вниду въ мѣсто селенія чуднаго дому Твоего, яко Ты еси Богъ мой и крѣпость моя. Не уклони стопы моя отъ пути Твоего, да возлюблю правду и возненавижу беззаконія!

7. Господи! буди мнѣ прибѣжище и сила, яко Ты еси царь велій по всей земли. Владѣяй всѣми во вѣки, избави душу мою отъ руки князя преисподняго, да не похититъ мене изъ руки Твоей, Ты же, Господи, егда явишися судити намъ, помилуй мя по велицѣй милости Твоей, и Духа Твоего Святаго не отыми отъ мене. Отврати, Премилосердый Владыко, въ часъ оный, Лице Твое отъ грѣхъ моихъ, и вся беззаконія очисти. Сердце чисто созижди во мнѣ, Боже, и духъ правъ обнови во утробѣ моей, да яко маслина плодовита, въ рай Бога моего, елей святыни пріиму, и тамо возрадуюся со Іаковомъ, и возвеселюся во вѣки со Израилемъ.

8. Спаси мене, Господи, о имени Твоемъ, и силою Твоею сохрани мене. Не презри моленія моего, но помилуй мене. Посли съ небесе милость и истину Твою и избави мя. И даждь въ поруганіе попирающія мя, сотри зубы отъ устенъ ихъ, и сокруши челюсти львовъ. Богъ мой еси Ты, и милость моя, и сохрани мя десница Твоя, и покрыюся кровомъ крилъ Твоихъ, егда будеши воздаяти комуждо по дѣломъ.

9. Господи! душа моя уповаетъ на Тя: покрый мене отъ собранія злобствующихъ. Когда пріидетъ предъ лице Твое всяка плоть, не отврати отъ мене милости Твоея, и Духа Твоего Святаго не отыми отъ мене, но просвѣти на мя лице Твое, Боже, Спасителю мой, благополученъ сотвори путь мой, да не пожретъ мене глубина, да не затворитъ надо мною бездна зѣва своего. Господи, буди мой Помощникъ и Заступникъ! Не закосни.

10. Яко на Тя, Господи, уповаю, – не погибну во вѣки. Егда будеши судити люди Твоя, – и вси удаляющійся отъ Тебе погибнутъ. Да не отверженъ буду азъ – уничиженный – бѣдный. Праведенъ бо еси Судія, смирявши и возносиши. Страшенъ еси: и кто постоитъ противу гнѣва Твоего? Ты еси Богъ, творяй велія чудеса Единъ.

11. Господи! яко же люди Твоя препиталъ еси хлѣбомъ въ пустыни, и желанія своего не лишилъ ихъ, тако и мене алчущаго да насытитъ благодать Твоя, и скоро предваритъ милость Твоя. Защитниче мой! посли мнѣ хлѣбъ слезный и горесть печали, во время благопотребно, и даждь отъ камене сладость меда, да восприму внутрь мене услажденіе. Боже, все разсмотрѣвая и вѣдяй между праведными и грѣшными, Единъ Вышній, сущій надъ всѣми языки, помилуй мя и благослови мя, Законоположителю нашъ!

12. Господи! остави нечестія сердца моего, и отпусти вся грѣхи моя, и спаси мя раба Твоего, Боже мой, уповающаго на Тя. Боже! утвердивый церковь Твою на горахъ святыхъ, приклони ухо Твое къ моленію моему. Рука Твоя да поможетъ мнѣ, да не отверженъ буду во смиреніи, но сохрани мя отъ сѣти ловящихъ, и отъ паденія и бѣса полуденнаго!

13. Боже мой, Царь велій надъ всею землею! да процвѣту, яко финиксъ, насажденъ въ домѣ Господни, и яко кедръ, иже въ Ливанѣ, умножуся – въ долготу дней: буди мнѣ прибѣжище и помощь упованія моего. – Егда будеши судите землю въ правости, и люди Твоя въ истинѣ Твоей, да насыщуся вѣчнаго свѣта со Святыми, и веселія – съ правыми сердцемъ: да сохранитъ мене десница Твоя, и мышца святая Твоя. Сѣдяй на Херувимѣхъ, сотвори мя быти предъ лицемъ Твоимъ во святынѣ и въ веселіи, да прехожду въ незлобіи сердца моего посредѣ дому моего, да не прильпнетъ мнѣ сердце строптиво, но да будутъ очи мои на вѣрныя – святыя Твоя, и да сяду съ ними ходяй по пути непорочну, егда погубиши по суду отъ града Твоего вся дѣлающія беззаконіе.

14. Господи! услыши молитву мою, и вопль мой къ Тебѣ да пріидетъ. Не отврати лица Твоего отъ мене, въ день оскорбленія моего преклони ко мнѣ ухо Твое, милостивъ буди мнѣ во всѣхъ дѣлѣхъ моихъ, и избави отъ погибели душу мою, исполни во благихъ желаніе мое.

15. Призираяй на землю и творяя ю трястися, изведый люди Твоя въ радости и избранныя Твоя въ веселіи, сотвори мене – сохраняти судъ и правду на всякое время. Изведи мене изъ тьмы и сѣни смертныя, да готовымъ сердцемъ воспою и пою Тебѣ. Сотвори со мною знаменіе во благо, ради милости и имени Твоего, да во свѣтлостяхъ святыхъ, въ совѣтѣ праведныхъ и въ сонмѣ правыхъ, правда моя пребудетъ въ вѣкъ вѣка, и рогъ мой вознесется въ славѣ!

16. Господи! внегда повелиши ми убогому востати отъ земли, и отъ гноища воздвигнеши нищаго, тогда благоугожду Тебѣ во странѣ живыхъ и благословлю Тебе отнынѣ и до вѣка. Разрѣши оковы моя, и утверди мене въ щедротахъ Своихъ. Егда въ скорби призову Тебе, Господи, услыши мя и даруй ми просторъ.

17. Господи! положи мнѣ законъ, да живу, и пути правды Твоея взыщу выну. Вразуми мя, и испытаю законъ Твой, и сохраню его всѣмъ сердцемъ моимъ. Заблудихъ яко овча погибшее, взыскавъ, сохрани душу мою.

18. Сохрани, Господи, вхожденіе мое и похожденіе: да во дворѣхъ Твоихъ станутъ нози мои – во храмѣ Іерусалима. Къ Тебѣ возведохъ душу мою, и очи мои къ живущему на небеси: исхити душу мою отъ сѣти ловящихъ, да не простру къ беззаконію рукъ моихъ. Исполни радости уста моя и языкъ мой веселія. Исполни желаніе мое во благо, и благослови мене отъ Сіона, да вижу благая Іерусалима. Удали мене отъ беззаконія, да будутъ уши Твои, Господи, внемлющій гласу моленія раба Твоего. Да не вознесется сердце мое въ гордости, ниже вознесутся очи мои: но да буду во смиреніи, дондеже обрящу мѣсто Господеви – селеніе Богу Іаковлю, идѣже заповѣдалъ еси благословеніе и животъ до вѣка.

Въ селеніи Твоемъ, Господи, вознесу руки моя во святая, и благословлю Тя, судящаго люди своя и веселящагося о рабѣхъ Своихъ. Боже боговъ и Господи господей! искуси мене, рыдающаго и молящагося ко храму святому Твоему, и испытай сердце мое, виждь мя и познай стези моя, и введи мене въ жизнь вѣчную. Сохрани мене, Господи, и изми изъ руки грѣшнаго и отъ всѣхъ беззаконій моихъ избави мене. Да исправится молитва моя, яко кадило предъ Тобою. Изведи изъ темницы душу мою – исповѣдатися имени Твоему. Услыши мя, Господи, въ правдѣ Твоей, и не вниди въ судъ съ рабомъ Твоимъ. Скоро услыши мене, Господи, да не оскудѣетъ и да не исчезнетъ духъ мой: зане Ты еси Богъ мой, – милость моя, и прибѣжище мое, и Заступникъ мой!

Зиждяй Іерусалимъ! яко велій еси и хваленъ зѣло, и величія Твоего нѣсть конца, – возстави мя падшаго, разрѣши связаннаго, просвѣти темнаго. Егда же укрѣпиши вереи вратъ Твоихъ, – внутрь съ сынами Твоими да водворюся. Якоже хвалятъ Тебе Ангели и вся силы Твоя въ Царствіи Небеснѣмъ, – тако и азъ, съ ними веселяся со славою во дворѣхъ Твоихъ Святыхъ тамо восхвалю и прославлю, въ кимвалѣхъ восклицанія, имя Твое Святое, хвальное и царствующее въ безконечные вѣки вѣковъ, аминь.

 

Что такое жизнь и какъ должно жить. Статьи для религіозо-нравственнаго чтенія. Собралъ Епископъ Іустинъ. Спб. 1901. С. 391-398.


КАНОН - Свод законов православной церкви



«Благотворительность содержит жизнь».
Святитель Григорий Нисский (Слово 1)

Рубрики:

Популярное:





Подписаться на рассылку: