Митрополитъ Антоній (Храповицкій) – Молитва законоучительская, и для пастырей, юношество воспитывающимъ.

Господи Іисусе Христе Боже нашъ, образъ истиннаго учительства въ Себѣ намъ явивый и Апостоламъ Твоимъ вся языки научити повелѣвый! Самъ и мнѣ великое сіе служеніе проходящему, аще и недостойному служителю Твоему, помози, во благихъ начинаніяхъ преспѣяніе доброе даруя. И якоже, въ нощь вольнаго Твоего на смерть преданія, ученики Твои до конца возлюбивый, Отца Твоего и Бога о сохраненіи душъ ихъ умолялъ-еси, сице, и ихже далъ-еси мнѣ, благодатію Твоею сохрани! Се-бо грѣхми юности искушаеми, паче же лукавыхъ человѣкъ прельщеньми соблажняеми, не еже хощутъ доброе, но еже не хощутъ-злое, творити понуждаются; еще же и діавольскою завистію отъ руки Твоея отторгаются... Тѣмъ же грѣшному моленію моему, обаче отъ любве чистыя Тебѣ приносимому, внемли и рабы Твоя отъ зла сохрани.

Призри убо съ небесе, Боже, и виждь, и посѣти виноградъ сей и соверши и, егоже насади десница Твоя къ созиданію святыя Твоея Церкве; просвѣти ихъ умныя очи свѣтомъ заповѣдей Твоихъ, сердца же любовію Креста Твоего, и волю ихъ къ исполненію заповѣдей Твоихъ направи. – Да не беззаконными юности страстьми, ни суетнаго міра сего мудрованьми, ниже лѣностію плоти отягчаеми, но точію ревностію о словѣ Твоемъ распаляеми, яко истинные сыны свѣта, въ добромъ ученіи возрастати будутъ, и жребія избранныхъ[1] достойни явльшеся, чрезъ все житіе свое Имя Твое прославляти будутъ. Ей, молим-Ти-ся, Господи! Твой миръ, Твою любовь подаждь намъ: да и мы «сами себе и другъ друга и весь животъ нашъ» Тебѣ, Христу Богу нашему, предадимъ. Яко Твоя есть держава и сила и слава во вѣки вѣковъ. Аминь[2].

 

Епископъ Димитрій. Домашній молитвословъ для усердствующихъ. Харбинъ 1943. C. 98-99.

 

[1] Было – священническаго.

[2] Сія молитва принадлежитъ блаженнѣйшему митрополиту Антонію – времени, когда былъ онъ ректором Духовныхъ Академій. Ибо пастырское попеченіе о душахъ своихъ питомцевъ онъ не ограничивалъ только чтеніемъ лекцій. Твердо вѣруя, что пастырское служеніе есть дѣло Божіей благодати, онъ ежедневно возносилъ составленную имъ Господу молитву, прося себѣ Божіей помощи въ этомъ великомъ служеніи и молясь за двоихъ питомцевъ, готосящихся къ пастырскому служенію.


КАНОН - Свод законов православной церкви



«Благотворительность содержит жизнь».
Святитель Григорий Нисский (Слово 1)

Рубрики:

Популярное:





Подписаться на рассылку: