Послѣдованіе литіи, пѣваемое въ нужди, скорби и обстояніи, содержащееся въ Большомъ Требннкѣ, со внесенными въ него дополненіями.

Чинъ сей совершался въ Москвѣ во дни всенароднаго покаянія 2-4 августа 1918 г. См. Большомъ Требникъ. Послѣдованіе въ различныя литіи и бдѣнія молебновъ.

Чинъ этотъ слѣдующій: по обычномъ началѣ Трисвятое и пр... По «Отче нашъ», «Господи помилуй» 12, пріидите поклонимся и псаломъ 142, послѣ котораго поется «Духъ Твой благій наставитъ мя на землю праву». Великая ектенія:

Миромъ Господу помолимся.

О свышнемъ мирѣ:

О мирѣ всего міра:

О святѣмъ храмѣ семъ:

О велицемъ Господинѣ:

О Державѣ Россійской и о спасеніи ея, Господу помолимся.

О пособити и покорити подъ нозѣ наша:

О градѣ семъ:

О благораствореніи воздуховъ:

О плавающихъ:

О братіяхъ нашихъ на судищахъ, въ темницахъ, узахъ, заточеніяхъ, изгнаніи и горькихъ работахъ сущихъ, Господу помолимся.

О всякой души христіанской скорящей, озлобленнѣй, милости и помощи Божія требующей, Господу помолимся.

О братіяхъ нашихъ, жизнь положившихъ за Православную церковь, Господу помолимся.

О избавитися:

Заступи, спаси:

Пресвятую, Пречистую:

Яко подобаетъ:

Таже Богъ Господь, въ гласъ 6 и тропари: Помилуй насъ, Господи: Слава: Господи, помилуй насъ: И нынѣ: Милосердія двери: Таже начинаемъ стихословити псалмы со сладкопѣніемъ въ гласъ 6, поюще тропарь, гласъ 6: Благоутробне, долготерпѣливе и всещедрый Господи, низпосли милость Твою на люди Твоя. И стихъ псалма: Господи, да не яростію Твоею обличиши мене, ниже гнѣвомъ Твоимъ накажеши мене. И тропарь: Благоутробне, долготерпѣливе: и прочія стихи псалма 6, припѣвающе къ коемуждо стиху тропарь той-же.

Слава: Яко щедрый Господи, умплосердися на люди Твоя, яко долготерпѣливь, примирися, и помилуй ны.

И нынѣ: Пресвятая Владычице, всепѣтая, благословенная, яко благолюбивая, утѣши и помилуй насъ.

Таже діаконъ: Паки и паки преклонша колѣна:

Молитва: Тебѣ молимся и тебе просимъ прилежно Бога и Отца Господа Нашего Іисуса Христа, да милостивымъ окомъ призриши на люди Твоя и на наслѣдіе Твое, умилосердився на ны и на землю нашу, опустѣвшую беззаконій ради нашихъ, и плѣненну бывшую, и рабу супостатовъ: благоволи паки возвратитися на первую свободу, якоже иногда вся домочадца Іакова онаго, носящаго образъ единороднаго Твоего Сына, Бога нашего, и благоволеніемъ и хотѣніемъ Твоимъ возвращшагося, Ты привелъ еси къ обладанію обѣтованныхъ Тобою благъ. Ибо надъ ними обычное человѣколюбіе Твое употребляяй, оставилъ еси беззаконія ихъ. Укротилъ весь гнѣвъ Твой, возвратился еси отъ гнѣва ярости Твоея. Обрати убо и насъ, Боже, и о спасительныхъ Твоихъ заповѣдехъ пещися сподоби. Отврати ярость Твою отъ насъ, да не во вѣки прогвѣваешися на ны, или простреши гнѣвъ Твой отъ рода въ родъ. Боже, Ты обращься, оживи ны, и людіе Твои возвеселятся: покажи и на насъ милость Твою, и услышимъ миръ и веселіе о Тебѣ. Ей, Господи, услыши насъ грѣшныхъ и непотребныхъ рабъ Твоихъ въ часъ сей, еже вселити славу и миръ въ земли нашей: на Твое бо сподвиженіе и помощь дерзающе, мы недостойніи надѣемся, яко милость и истина Твоя превратятъ насъ: кромѣ бо Тебе иного не вѣмы, и имя Твое именуемъ, и не отвратишися отъ насъ до конца, но подвигнися и возстани на помошь насъ грѣшныхъ и смиренныхъ, и яко непамятозлобивый и каяйся о злобахъ нашихъ, отврати плѣненіе наше; уставы бурю злоключеній, ослаби намъ прегрѣшенія наша, яко да ослабою злоключеній прославимъ Тя, Отца Господа нашего Іисуса Христа, съ Нимъ же и Святаго Твоего Духа, и нынѣ и присно и во вѣки вѣковъ. Амииь.

Таже ектенія малая. Возгласъ: Яко Твоя держава и Твое есть Царство:

И начинаемъ вторую статью, въ гласъ 6:

Милостиве, помилуй, помилуй, помилуй насъ, Господи: и стихословимъ псаломъ 101 со сладкопѣніемъ.

Господи, услыши молитву мою, и вопль мой къ Тебѣ да пріидетъ.

Милостиве, помилуй, помилуй, помилуй насъ Господи: и прочая стихи псалма 101, припѣвающе къ коемуждо стиху припѣвъ той-же.

Слава: Яко щедрый.

И нынѣ: Пресвятая Владычице:

Господу помолимся! и молитва: «Господи Боже Спасителю нашъ! Къ Тебѣ припадаемъ съ сокрушеннымъ сердцемъ и исповѣдуемъ грѣхи и беззаконія наша, ими же раздражихомъ Твое благоутробіе и затворихомъ щедроты Твоя. Сего ради праведный судъ Твой постиже насъ, Господи: раздоры и нестроенія объяша насъ, убійства и кровопролитія, вражда и злоба умножишася до зела. Еще и на Церковь Твою святую воздвижеся лютое гоненіе, во еже уставы ся разрушати, ученіе Закона Твоего попирати, благолѣпіе дому Твоему оскверняти и служителей и благовѣстниниковъ слова Твого оскорбляти и изгоняти.

Но, Премилосердный Господи призри съ высоты святыя Твоея на слезныя мольбы нищихъ и скорбныхъ людей Твоихъ, преложи гнѣвъ Твой на милосердіе и даждь намъ помощь отъ скорби.

Вѣмы, яко отъ лѣтъ древнихъ въ годины искушеній, страна наша токмо вѣрою Христовою отъ гибели спасашеся, токмо молитвою и слезами покаянія отъ козней и сѣтей вражіихъ избавляшеся. Сего ради и въ умиленіи сердца вопіимъ къ Тебѣ: охрани и нынѣ отечество наше отъ враговъ, губящихъ ю, воспламени въ сердцахъ нашихъ любовь къ Церкви Твоей Святѣй и научи насъ крѣпко, даже до смерти стояти за Святую Вѣру Твою и за славу имени Твоего Святаго и тако утверди и воспрослави Церковь Твою всесильною крѣпостію Твоею и отъ всякаго злаго обстоянія избави ю.

О распевшихъ Тя моливый, милосерде Господи, и рабомъ Твоимъ о вразѣхъ молитися повелѣвый, ненавидящихъ и обидящихъ насъ прости, не воздаждь имъ, Господи, по дѣломъ ихъ и по лукавству начинанія ихъ, не вѣдятъ бо, что творятъ, но къ братолюбному и благодѣтельному настави жительству, да обратятся къ Тебѣ, своему Владыцѣ, и купно съ сынами Церкви Твоея прославятъ Тебе единаго въ Троицѣ славимаго Бога во вѣки вѣковъ».

Таже ектенія малая. Возгласъ: Яко благъ и Человѣколюбецъ... и начинаемъ пѣти тропарь, гласъ 6: Яко щедрый: и псаломъ 78 со сладкопѣніемъ:

Боже, пріидоша языцы въ достояніе Твое: припѣвающе къ коемуждо стиху тропарь той-же.

Слава: Яко щедрый:

И нынѣ: Пресвятая Владычице:

Степенна 1 антифонъ 4 гласа: Отъ юности моея:

Прокименъ, гласъ 7: Господь крѣпость людемъ своимъ дастъ, Господь благоволитъ люди своя миромъ. Стихъ: Въ храмѣ Его всякій глаголетъ славу.

Всякое дыханіе:

Евангеліе отъ Іоанна (гл. XV, 12-14, 18-25, гл. XVI, 1-4).

Канонъ умилительный нарочито составленный, поемый или при обхожденіи храма или посрединѣ храма, какъ великій канонъ Св. Андрея Критскаго. Къ покаяннымъ тропарямъ на каждой пѣсни присоединяются тропари изъ каноновъ Святителямъ Московскимъ, какъ на великомъ канонѣ – св. Маріи Египетской.

Припѣвы: Помилуй (насъ) Боже помилуй (насъ).

Святіи Первопрестольницы Россійстіи, молите Бога о насъ.

По канонѣ: Достойно есть, и сугубая ектенія съ прибавленіемъ прошеній:

Достойная казнемъ сотворихомъ... Вѣмы, яко раздражихомъ Твое человѣколюбіе. Въ скорби и печали нашей, внегда обышедши обыдоши насъ врази наши...

Отпустъ.

Послѣдованіе молебна въ дни нестроеній народныхъ.

Начало обычное. Псаломъ 79. Народъ поетъ въ подобающихъ мѣстахъ стихъ: «Боже, обрати ны»... великая ектенія съ вставками прошеній о спасеніи державы Россійской. На Богъ Господь... тропари: Помилуй насъ, Господи... Слава: Господи, помилуй насъ... И нынѣ: Милосердія двери... Прокименъ: Время сотворити Господеви; разориша законъ Твой. Стихъ: Да будетъ рука Твоя во еже спасти насъ, яко заповѣдемъ Твоимъ вѣровахомъ. Паремія: Исаіи I, 2-10, 16-20. Прокименъ: Боже, обрати ны, и просвѣти лице Твое и спасемся. Стихъ: Сѣдяй на Херувимѣхъ явися, воздвигни силу Твою и пріиди во еже спасти насъ. Апостолъ Соборн. посл. Петра I, 4, 12-19. Евангеліе Луки 13, 1-9.

Сугубая ектенія съ прошеніями о спасеніи державы Россійской и молитва: Согрѣшихомъ, беззаконовахомъ... напечатанная въ іерейскомъ молитвословѣ послѣ акаѳиста Іисусу Сладчайшему.

 

«Орловскія Епархіальныя Ведѣмости». 1918. № 21. С. 529-533.

⸭ ⸭ ⸭

МОЛИТВА О СПАСЕНІИ ЦЕРКВИ ПРАВОСЛАВНОЙ..

Молитва эта составлена Помѣстнымъ Соборымъ 1917-1918 гг.

Чтется на Литургіи послѣ великой эктеніи и на молебствіяхъ о прекращеніи междоусобной брани.

Господи Боже Спасителю нашъ! Къ Тебѣ припадаемъ съ сокрушеннымъ сердцемъ и исповѣдуемъ грѣхи и беззаконія наша, ими же раздражихомъ Твое благоутробіе и затворихомъ щедроты Твоя. Сего ради праведный судъ Твой постиже насъ, Господи; раздоры и нестроенія объяша насъ, убійства и кровопролитія, вражда и злоба умножишася до зѣла. Еще и на Церковь Твою Святую воздвижеся лютое гоненіе, во еже уставы ея разрушати, ученіе Закона Твоего попирати, благолѣпіе Дому Твоего оскверняти и служителей и благовѣстниковъ слова Твоего оскорбляти и изгоняти.

Но, Премилосердый Господи, призри съ высоты святыя Твоея на слезныя мольбы нищихъ и скорбныхъ людей Твоихъ, преложи гнѣвъ Твой на милосердіе и даждь намъ помощь отъ скорби.

Вѣмы, яко отъ лѣтъ древнихъ, въ годины искушеній, страна наша токмо вѣрою Христовою отъ гибели спасашеся, токмо молитвою и слезами покаянія отъ козней и сѣтей вражіихъ избавляшеся. Сего ради и въ умиленіи сердца вопіемъ къ Тебѣ: охрани и нынѣ отечество наше отъ враговъ, губящихъ е, воспламени въ сердцахъ нашихъ любовь къ Церкви Твоей Святѣй и научи насъ крѣпко, даже до смерти стояти за Святую Вѣру Твою и за славу Имене Твоего Святаго, и тако утверди и воспрослави Церковь Твою всесильною крѣпостію Твоею и отъ всякаго злаго обстоянія избави ю.

О распеншихъ Тя моливый, милосерде Господи, и рабомъ Твоимъ о вразѣхъ молитися повелѣвый, ненавидящихъ и обидящихъ насъ прости, не воздашь имъ, Господи, по дѣломъ ихъ и по лукавству начинанія ихъ, не вѣдятъ бо, что творятъ, но къ братолюбному и добродѣтельному настави жительству, да обратятся къ Тебѣ, своему Владыцѣ, и купно съ сынами Церкве Твоея прославятъ Тебе единаго въ Троицѣ славимаго Бога во вѣки вѣковъ.

 

«Церковныя Вѣдомости». 1918. № 5. (7/20 февраля). С. 23-24.

 

См. также:

Канонъ молебный въ скорби и обстояніи.

Моленіе о спасеніи державы Россійской и о умиротвореніи страстей людскихъ (РПЦЗ).




«Благотворительность содержит жизнь».
Святитель Григорий Нисский (Слово 1)

Рубрики:

Популярное:





Подписаться на рассылку: