Взглядъ Церкви на невѣріе апостола Ѳомы (въ богослужебныхъ пѣсняхъ).
1. Въ чемъ состояло невѣріе апостола?
а) Въ невѣрованіи свидѣтельству соучениковъ о явленіи имъ Господа.
Глаголаше (апостоламъ): не иму вѣры, аще не увижду и азъ Владыки (стих. веч.). Аще не узрю, не вѣрую словесемъ вашимъ (сѣдал.).
б) Въ невѣрованіи самому воскресенію.
Не вѣрова Твоему воскресенію и видѣвшимъ Тя вопіяше: аще не вложу перста въ ребра Его и гвоздей язвы, не вѣрую, яко восталъ есть (стихир. хвал.).
2. Что было въ основаніи его невѣрія?
а) Сильное желаніе узрѣть Господа.
Вожделѣвый Твое радостное видѣніе, прежде не вѣроваше Ѳома (кан., п. 8).
б) Желаніе совершенной увѣренности для себя и для всѣхъ.
Не всуе усумнѣвся Ѳома о востаніи Твоемъ, не низложися, но несумнѣтельное тщашеся показати сіе, Христе, всѣмъ языкомъ (п. 7). Не вѣроваше рѣченнымъ ему, отъ невѣрія въ вѣру извѣствуя (стих. веч.).
3. Что произвело благотворную перемѣну въ душѣ апостола?
а) Благодатное явленіе Самого Воскресшаго.
Невѣрующему ученику руцѣ показалъ еси и пречистое ребро. Онъ же, вѣровавъ, вопіяше Тебѣ: Господь мой и Богъ мой, слава Тебѣ! (стих. вечер.). Вѣровавъ Ѳома зрѣніемъ руку и ребръ Твоихъ, Господа и Бога Тя исповѣда (тамъ же).
б) Въ особенности живоносная сила язвъ Господнихъ.
Со страхомъ руку Ѳома въ ребра Твоя живоносная, Христе, вложивъ, трепетенъ ощути дѣйство, Спасе, сугубое двѣма естествома въ Тебѣ соединяемыма несліянно, и вѣрою взываше, глаголя: Ты еси Господь... (п. 7). Ощущая рукою Твое сугубое существо, со страхомъ вопіяше вѣрно, вѣрою влекомь: Господь мой и Богъ мой, слава Тебѣ! (стих. на лит.).
4. Что послѣдовало за такою перемѣною въ апостолѣ?
а) Явленіе, вмѣсто невѣрія, твердой вѣры.
Вложивъ Ѳома руку въ огненная ребра Іисуса Христа Бога, не опалися осязаніемъ: души бо зловѣрство преложи на благовѣріе (стихов. утр.).
б) Высокое исповѣданіе и ревность возвѣщать всѣмъ истину.
Ребро Твое Божественное радуйся Ѳома осязавъ, Господи и Зиждителя Тя прослави (сред. стих. вечер.). Возопи, егда видѣ Тя, Всесильне: Ты ecи Богъ мой и Господь... кланяюся Твоей державѣ и мірови возвѣщаю страшное Твое и всесильное востаніе (понед. веч. стих.). О, преславнаго чудесе! Іоаннъ на перси возлеже, Ѳома же ребра осязати сподобися. Но овъ убо отонуду страшно Богословія глубокое извлече смотрѣніе: овъ же сподобися тайнонаучити насъ: представляетъ бо показаніе ясно востанія Его (стих.).
5. Какія благотворныя дѣйствія перемѣны въ апостолѣ для міра и Церкви?
а) Большее утвержденіе вѣры въ Воскресшаго.
О, доброе невѣріе Ѳомино! вѣрныхъ сердца въ познаніе приведе (стих. веч.). О, преславнаго чудесе! невѣріе вѣру извѣстную роди (стиховн.). Невѣрною вѣрою облагодѣтельствовавый насъ Ѳома близнецъ, рѣшитъ убо мрачное невѣдѣніе всѣхъ концевъ, вѣрнымъ невѣрствіемъ (п. 7). Радуешися испытаемь: тѣмже, Человѣколюбче, на сіе повелѣваеши Ѳомѣ, простирая невѣрующему ребра, мірови увѣряя Твое, Христе, тридневное востаніе (п. 4).
б) Открытіе высокихъ истинъ Богословія.
Богатство почерпъ отъ сокровища некрадомаго Божественнаго, копіемъ прободенна Твоего ребра, премудрости и разума исполняетъ міръ близнецъ (п. 4). Твое сокровище, утаенное намъ, отверзе Ѳома: богословивъ бо языкомъ Богоноснымъ, пойте Господа, глаголаше, и превозносите Его во вся вѣки (п. 8).
«Воскресное чтеніе». 1852. № 2. С. 11-12.
