Духовное Завѣщаніе святителя и чудотворца Митрофана, перваго епископа Воронежскаго.

Духовное завѣщаніе святителя Митрофана, перваго епископа Воронежскаго, хранится въ Московской Сѵнодальной (патріаршей) библіотекѣ въ подлинной рукописи подъ № 669. Рукопись эта писана полууставомъ Петровскаго времени въ четвертку (старинный поллистъ) на 33 листахъ[1]. Въ завѣщаніи, представляющемъ по внѣшнему виду сплошной текстъ, легко выдѣляется вступительная часть (листы 1-3), начинающаяся славословіемъ Святой Троицѣ и заключающая въ себѣ общія разсужденія о высокомъ назначеніи человѣка и частное повѣствованіе святителя Митрофана о характерѣ даннаго ему воспитанія и всей его благочестивой жизни. «Доидохъ судьбами Божіими состарѣнія лѣтъ яко седмидесяти – пророческія святаго Давида мѣры (Псал. 89, 10) – говоритъ святитель, естественною моего тѣлеси крѣпостію изнемогаю. Сего ради, памятствуя о смерти... здравствуясь умомъ моимъ и цѣлостію разума, судихъ сіе духовное послѣднее мое писаніе написати».

Въ самомъ завѣщаніи съ глубокимъ смиреніемъ Божій архіерей исповѣдуетъ предъ всѣми свою вѣру (л. 3 об.), которой служителемъ остается до послѣдняго вздоха. «Внегда душа моя грѣшная, говоритъ онъ, разрѣшится отъ союза плоти сея, вручаю ону душу свою Премудраго Бога, создавшаго ю, непобѣдимому благоутробію, да приметъ ю милостивно, яко свое дѣло; тѣло же мое окаянное и кости грѣшныя предаю матери всѣхъ, отъ нея же взято бысть, чая оттуда воскресенія мертвыхъ въ послѣдней трубѣ возстать совершенно» (л. 4). Затѣмъ обращаетъ отеческую заботу свою къ пастырямъ церкви, въ пространномъ поученіи (лл. 4-14 об.), убѣждая ихъ ходить достойно своего званія. Это поученіе святителя мы приводимъ ниже полностью.

Дальнѣйшія части весьма разнообразнаго по содержанію своему духовнаго завѣщанія святителя Митрофана касаются автобіографіи (л. 16) самого святителя и его наставленій ко всей Воронежской паствѣ (16 об.-24 лл.). Съ 25 листа начинаются личныя посмертныя распоряженія святителя (о мѣстѣ погребенія его, о постриженіи въ схиму предъ смертію и о погребальномъ облаченіи – «архіерейскими одеждами отнюдь не облачите мене»... но «положите въ одѣяніи»... «по чину схимонаховъ» – съ увѣщаніемъ «сотворить ему милость и послѣдній долгъ заплатить и не сотворить преслушанія, но исполнить во всемъ» завѣщанное имъ. – Вручивъ себя милосердію и предстательству Божіей Матери и ангелу Хранителю своему и всѣхъ святыхъ благоугодившихъ Богу молитвами, святитель Митрофанъ заканчиваетъ завѣщаніе вопія и глаголя Богу: «Отче, въ руцѣ Твои предаю духъ мой, – Аминь».

Въ припискѣ подъ завѣщаніемъ (лл. 29 об.-32) святитель Митрофанъ обращается къ своему преемнику по Воронежской каѳедрѣ, прося у него молитвъ о себѣ и умоляя оказать милость всѣмъ, которые трудились вмѣстѣ съ святителемъ въ дому Пресвятыя Богородицы въ соборной церкви, въ ризницѣ, въ казенной службѣ, въ домовыхъ архіерейскихъ вотчинахъ и въ приписныхъ монастыряхъ... Здѣсь же святитель Митрофанъ молитъ всѣхъ служителей соборной церкви, дабы незабвенно было поминовеніе души его грѣшной въ молитвахъ (л. 30) и сохранялись недвижимо «церковныя всякія потребы, сосуды» и проч., все вновь имъ устроенное (л. 30 об.); преподаетъ ближайшимъ соработникамъ своимъ отдѣльно отъ всей паствы миръ, благословеніе и прощеніе. «Потомъ и я у нихъ, – добавляетъ святитель, – прошу молитвы и моленія ко Господу Богу и прощенія, аще чѣмъ кого оскорбихъ словомъ или дѣломъ, – и вы мене, грѣшнаго, простите и помолитесь обо мнѣ» (л. 32).

Вслѣдъ за этой припиской помѣщена (л. 33) вторичное заключительное увѣщаніе святителя Митрофана, обращенное ко всѣмъ исполнителямъ посмертной его воли, съ прещеніемъ судомъ Божіимъ за нарушеніе завѣщанія.

Священникъ Стефанъ Звѣревъ.

ПОУЧЕНІЕ ПАСТЫРЯМЪ ЦЕРКВИ.

Та же завѣщаваю, тѣмъ же убо, братіе, нынѣ и нашего смиренія и моленія пріимите, о немъ же молю васъ и по смерти сотворите послушаніе ко Господу Богу, священный чинъ всея епархіи моея, священноигумены, священноиноки и мірскіе іереи и діаконы и весь священный чинъ, сохраните убо себе отъ скверныхъ сатанинскихъ всякихъ дѣлъ нечистыхъ, якоже глаголетъ Златоустый: отверзите отъ себе пьянство, объяденіе, лишитеся тяжбы и сваровъ и хулы на друга своего и сквернаго мздоиманія, клятвы и лжи, скупости и ненависти и лукавства, блуда и всякія нечистоты бѣгайте. Со всякимъ опаствомъ живите и заповѣдемъ Господнимъ внимайте, сему учитеся, сему другъ друга понуждайте, како бы вамъ непорочнымъ стати на Страшнѣмъ и грозномъ судѣ во второе пришествіе Христово, егда будетъ судити всей вселеннѣй, и како слово воздати о людѣхъ комуждо въ паствѣ своей. Того ради всяко попецитеся о своемъ спасеніи и образъ сами себе покажите во всякомъ благочестіи, якоже евангелистъ Матѳей повѣствуетъ, яко да видятъ ваша добрая дѣла и прославятъ Отца вашего, Иже есть на небесѣхъ (Mѳ. V, 16); вамъ бо есть и слово воздати о стадѣ своемъ. Златоустый глаголетъ: аще убо кто единаго отъ сихъ изгубитъ паствы своея небреженіемъ, не все-ли свое превратилъ есть спасеніе? Простецъ бо согрѣшивый за свою едину душу отвѣтъ дастъ Богу, игумени и іереи – за многихъ паствы своея дадутъ Богу отвѣтъ; иже млеко и волну отъ стада емлющи, а о овцахъ не пекущеся, о нихъ же слово имате воздати въ великій онъ день, како имате избѣжати толико нерадивши о спасеніи. И паки Господь рече: Горе вамъ, яко затворяете Царство Небесное предъ человѣки, сами не входите и хотящимъ возбраняете (Матѳ. XXIII, 13).

Та же речено бысть Іезекіилемъ пророкомъ: Сыне человѣкъ! въ стража дахъ тя дому Израилеву, и услыши отъ устъ Моихъ слово и проповѣси имъ отъ мене. Внегда глаголю беззаноннику смертію умреши и не возвѣстиши и не запретиши отъ беззаконія его, ни соглаголеши, яко остатися беззаконнику и обратитися отъ пути его, яко же живу быти ему, той въ беззаконѳи своемъ умретъ, крови же отъ руки твоея Богъ взыщетъ въ день Страшнаго праведнаго суда. Ты же аще возвѣстиши беззаконнику и не обратится отъ беззаконія своего и отъ пути своего беззаконнаго, то беззаконникъ въ беззаконіи своемъ умретъ, а ты душу свою избавиши (Іезек. XXXIII, 7-8, 9).

Тѣмъ же убо мы слышаще, сынове и братія моя, отъ Владыки нашего Бога, таковые дары намъ даровавшаго, паче же отъ святыхъ отецъ почести и хвалы, не украсимъ-ли сами себе кротостію и смиреніемъ и всякимъ благочиніемъ и всяко подвигнемся о своемъ спасеніи, паче же о людѣхъ. Златоустъ глаголетъ: Се Владыка нашъ насъ ради умре, ты же ни слово произносиши: и кую имѣти имаши милость, котораго отвѣта получиши, како на судищи станеши Христовѣ со дерзновеніемъ, рцы ми; колико душъ пагубу презирая, чистъ еси отъ крове всѣхъ. Сія словеса предстанутъ въ день Господа нашего Іисуса Христа мнѣ и вамъ, и, аще убо покоритеся заповѣдемъ Господнимъ и о чемъ я вамъ возвѣщаю много, подадутъ вамъ дерзновеніе на Страшномъ судѣ Христовѣ; аще ли же преслушаете заповѣдь Господню и нашего наказанія, – ни бо обинухся, еже не возвѣстити вамъ весь совѣтъ Божій, но и вдахъ сребро торженикомъ (Mѳ. XXV, 27): ваше же есть, еже умножити вданное и послушаніе пользою ко спасенію нашихъ братій заимствовати: – но ли[2] бременно и тяжко есть возвѣщати? Иже таковая согрѣшающихъ, бременно убо и тяжко есть, еже молчати: ибо вамъ покрывающимъ и онѣмъ тлящимся пагубу наводитъ сіе молчаніе. Тѣмъ же, сынове и братіе, послушайте того-жъ Златоуста глаголюща: зане любо аще и согрѣшиши о себѣ самъ, ничтоже постраждеши таково; аще же іерей сый, погибнулъ еси. И многи убо о сихъ таковая свидѣтельства – въ Божественномъ писаніи къ подвигу нашего исправленія, а христіанскія вѣры нашея подтвержденія, и народомъ – еже исправити благочестія. Тѣмъ же убо, сынове и братія, слышавше сіе страшное прещеніе Божіе къ пророку, тако-же и святыхъ отецъ наказанія съ прещеніемъ, – убойтеся, устыдитеся и смирите себе, страшно бо впасти въ руцѣ Бога живаго: на сіе бо мы позваны есмы, еже намъ собою показати образъ благочестія и тако люди въ благоразуміе привести. Тѣмъ же умножите талантъ, ввѣренный вамъ отъ Бога, учити люди Божія, священницы – дѣти своя духовныя и приходскія люди кождо въ своемъ предѣлѣ, мужеска полу и женска, и дѣти ихъ учите, чтобъ жили въ заповѣдѣхъ Господнихъ, въ покаяніи и въ милостыни и въ любви нелицемѣрне, и за то отъ Бога пріимете милость отъ Него и получите... Азъ бо, грѣшный, вся сія рекохъ вамъ, и паки глаголю, яко истязати насъ имать Богъ, аще съ лѣностію творимъ дѣло Божіе. Убойтеся реченнаго пророкомъ и апостоломъ Павломъ: проклятъ-бо, рече Божественное писаніе, – творяй дѣло Божіе съ небреженіемъ (Іерем. XLVIII, 10).

Къ сему же, братія и чада моя, Божественная писанія (Галат. III, 10) любите и въ нихъ поучайтеся: писаній бо прочитаніе, небесѣмъ есть отверзеніе; мнози бо непрочитаніемъ книгъ съ праваго пути совратишася. Вы же убо, сынове и братіе нашего смиренія о Господѣ, избирайте разумѣнія отъ Божественныхъ писаній, яко же добрая пчела, пребывающе на цвѣтѣхъ и сотъ взимающи, быліе же оставляющи; ложныхъ же книгъ не почитайте и отъ еретикъ уклоняйтеся и сообщенія съ ними не имѣйте; а буесловцемъ и сквернословцемъ, во всяческихъ богохульникомъ не отъ Божественныхъ писаній и суетная и ложная глаголющимъ, яже на пагубу правовѣрнымъ душамъ, уста заграждайте и возбраняйте, отъ писаній слово пріемше. Аще ли кто будетъ сопротивлятися соборныя церкви преданію и нашему поученію по святыхъ отецъ указанію, – и вы, сынове и братіе, о сихъ помолитеся, по апостолу Павлу: братіе, молитеся другъ о другѣ, яко да исцѣлѣете (Іак. V, 16), и на истинный путь по первомъ и второмъ наказаніи обратите заблудшихъ, научите, запретите, настойте (2 Тимоѳ. IV, 2), понудите люди Божія ко благочестію, всячески цѣлите недужныя, яко время убо обуреваемо есть и дніе лукави суть (Ефес. V, 16), и люди на зло уклонишася.

Того ради дѣти своя духовныя и приходскія люди койждо во своемъ приходѣ, мужеска полу и женска, и дѣти ихъ неослабно наказуйте страху Божію и отъ всяко богомерзкихъ дѣлъ возбраняйте, ово моленіемъ, ово наказаніемъ отъ Божественныхъ писаній. Къ симъ жее разумѣйте игумены и священницы, кого отлучити отъ Тѣла Христова и еже отъ церкви, на колико любо время; аще-ли же кто самъ недоумѣетъ, то да и вопрошаетъ вѣдущаго, яко же и Господь рече: просяй убо пріиметъ и ищай убо обрящетъ и толкущему отверзется (Лук. XI, 10).

Къ сему же убо игумени и священницы нашего предѣла всѣхъ церквей священницы и діаконы и весь причтъ церковный всякое убо церковное пѣніе со страхомъ и по чину и по уставу вся исполняйте, якоже предаша намъ святіи отцы, паче же Божественную литургію, идѣже страшная Божественная вечеря дѣйствуется, идѣ же Сынъ Божій за всѣхъ насъ спасеніе закаляется, храните со страхомъ и трепетомъ; и николи же внидите во святую церковь вражду на клеврета своего имуще, паче же во святый алтарь входите со страхомъ и трепетомъ и поклоненіе творите ко престолу славы Божія, а піаный во святую церковь и во святый алтарь или гнѣвъ имѣяй на кого, да не внидетъ. Тако же и народы наказуйте творити, и о спасеніи душъ своихъ и о тѣхъ веліе попеченіе имѣйте. Къ сему же по всѣмъ церквамъ отъ народовъ простымъ людямъ кромѣ параэкклесіарха во святый алтарь входа не дадите ни како же, и николиже во многолаголаніи по вечернѣмъ пѣніи и до литургіи пребывше, приносите Пречистую Жертву; но утишивъ мысли, молитву послите къ Богу своему и не озирайтеся вспять въ мыслехъ своихъ, и умъ весь имѣйте горѣ: со ангелы бо вамъ служити; и тако Безкровную Жертву приносите и не мыслите въ той часъ земныхъ ничтоже, зане Небеснаго Царя пріемлете въ сердцѣ своемъ. Аще ли же кому спакоститъ врагъ любодѣйствомъ, или гнѣвъ имуще на кого, или иною какою виною, – да лишится службы: недостоинство бо іерейское паче всего сводитъ на люди гнѣвъ Божій; мнози бо невѣгласи іерееви впадшу въ каковой либо грѣхъ повелѣваютъ служити, давъ эпитимію, строяще на ся муку безконечную, и сихъ слюще во дно адово: различно бо паденіе іерею бываетъ. Тѣмъ же убо подобаетъ о таковыхъ епископомъ возвѣщати, и тіи да разсудятъ по правиламъ апостольскимъ и отческимъ, не мощно бо разрѣшили, его же они связаша, ни вязати, его же они не повелѣша, но послѣдующе соборомъ святыхъ отецъ вязати же и рѣшити.

Блюдите же іереи и чадъ вашихъ, иже родившихся отъ васъ, да не блудомъ преже брачнаго времени осквернятся, и наказуйте и отъ всякаго грѣха берегите и за сыновній грѣхи осужденіе пишетъ и мукою претитъ[3]. Челядь же свою, рабовъ и рабынь наказуйте страху Божію, и на покаяніе приводите, а гладомъ не морите, и наготою и босотою не томите; но любите я, аки своя, уды, или яко Христосъ всѣхъ насъ, тако же творите и дѣти своя духовная наказуйте.

Сія вся, любя вы, написахъ, и аще сице сохраните завѣщанная нами, то Господа возвеселите и ангелы удивите и отъ нашего смиренія благословеніе на ся пріимете, и молитва ваша услышана будетъ отъ Бога

Слышите убо и еще, сынове и братіе о Господѣ нашего смиренія, что речетъ правило: аще речетъ – да извержется, то уже изверженъ, аще ли речетъ – да отлучится, то – на время нѣколико противу грѣха отлучится. И паки слышите, іерейскій чине, юже въ нечистотѣ и въ страстѣхъ живущіе, а наказаніе отъ Бога не пріемлюще! Аще не покаятеся и не очистите себе добрыми дѣлы, то ожидаетъ васъ тамо мука вѣчная. Слышите Святая Писанія, глаголющая, аще впадетъ попъ или діаконъ въ блудъ или инъ грѣхъ сотворитъ, иже возбраняетъ священства, да отлучится и не служитъ! Тако же не подобаетъ предстати служителю Божію во святѣмъ алтарѣ имущу гнѣвъ на кого, но первѣе смиритися, и тогда начати служити со страхомъ и трепетомъ Божественную службу.

Къ сему же не достоитъ попови красныхъ ризъ носити, но смиренны, яко же подобаетъ священному чину, тако же и краткихъ портъ[4] не по добаетъ носити, но до глезну[5], да со страхомъ и трепетомъ вся освященная церковная служба творитъ, ниже паки устыдится кого, или убоится, ниже убо самого царя.

И недостоитъ никако же подати Дары недостойнымъ и пребывающимъ во грѣсѣхъ, дондеже останутся отъ грѣхъ и покаются достойно отъ всего сердца; а иже служатъ попови съ лицемѣріемъ и подаютъ Пречистое Тѣло и Кровь Христову осквернившимся нѣкоторымъ блудомъ и лихоиманіемъ и прочими страстьми нечистыми, или враждующимъ на друга, или обидящимъ друга, или піаницамъ, или татѣмъ, или инъ который грѣхъ творящимъ, иже возбраняетъ отъ Причащенія прежде даже не очистится тотъ таковыхъ и эпитиміями не исправится, – и подадятъ имъ Пречистые Дары, таціи попове, яко предавый Господа Іуда, осудятся, да не пріобидѣны будутъ святыя Тайны лѣностію, или борзяся. И да не осквернитъ муха Даровъ, или мышь; аще ли что отъ тѣхъ вкуситъ отъ небреженія іерейскаго, то осудится вельми въ будущій вѣкъ. А молитвъ убо отнюдь не подобаетъ глаголати борзостію, но съ кротостію и внятно и чисто, да не въ досаду Богу будетъ глаголемое и да не въ пагубу себѣ. Ниже паки нечисту просфору или прѣсну ломити и принести въ чашу, ни вина нечиста ліяти въ чашу, но смѣсити вино чисто съ молитвою и съ водою чистою во святую чашу; и паки имѣти попови чисту одежду во святомъ алтарѣ, ибо по чину подобаетъ имъ вся творити чисто Святыя Тайны службу, да пріятна будетъ Богу Святая и безкровная жертва. Иже сію Божественную службу достойно служатъ, тіи животъ вѣчный наслѣдятъ и Царство Небесное, а иже не по чину, – то въ пагубу себѣ и во осужденіе.

 

«Прибавленіяхъ къ Церковнымъ Вѣдомостямъ» 1903. № 46. С. 1775-1780.

 

[1] Духовное завѣщаніе святителя Митрофана издано нами по этой рукописи въ «Богословскомъ Вѣстникѣ» за 1897 г. февраль (и отдѣльно, Сергіевъ Досадъ. Моск, губ., 1897 г., стр. 1-32).

[2] Неужели.

[3] Пропускъ въ текстѣ? Слпч. Поученіе священнослужителямъ въ Никон. Кормч.: «любо святитель безъ грѣха бывъ предъ Богомъ, за сыновній грѣхи, посланъ будетъ въ муку». Ист. Акт. Т. I, № 109.

[4] Одеждъ.

[5] Т. е. по щиколотку.


КАНОН - Свод законов православной церкви



«Благотворительность содержит жизнь».
Святитель Григорий Нисский (Слово 1)

Рубрики:

Популярное:





Подписаться на рассылку: