Чудеса Пресвятыя Богородицы. Два сказанія: I. О ходатайствѣ Богородицы за нѣкоего грѣшника и II. О томъ, како явися Богородица единой дѣвицѣ.
Рукописный листъ подъ указаннымъ заглавіемъ найденъ мною въ архивѣ Темниковскаго Санаксарскаго монастыря, но въ послѣднемъ не сохранилось никакихъ свѣдѣній объ ней. На бумагѣ филигранные знаки не явственно виднѣются. По палеографическимъ же признакамъ рукопись эта и по бумагѣ и по письму относится къ XVIII вѣку, переписана на плотной сѣрой бумагѣ плохой выдѣлки писцомъ малограмотнымъ, что видно изъ неправильной разстановки знаковъ препинанія, повторенія одного и того же мѣста два раза, пропусковъ, исправленій и т. д. По своему содержанію этотъ интересный памятникъ древней русской письменности не лишенъ своего значенія. Несомнѣнно, что подобныя апокрифическія сказанія на Руси были въ большомъ распространеніи и читались съ огромнымъ интересомъ. Рукопись сохранила два не большихъ сказанія: 1) «Чудеса Пресвятыя Богородицы» и 2) – «Како явися Богородица одной дѣвицѣ». Рукопись, какъ видно, списана съ болѣе древнѣйшаго списка, хотя не видно кто переписчикъ этихъ повѣстей, съ какого языка сдѣланъ переводъ и какимъ образомъ онѣ очутились въ архивѣ Санаксарскаго монастыря.
Чудеса Пресвятыя Богородицы.
Первое сказаніе – о ходатайствѣ Богородицы за нѣкоего грѣшника.
А.
Человѣкъ нѣкій беззаконенъ, имѣяше повседневное правило молитися къ Пресвятѣй Богородицы(ѣ), повторяя часть словами ангельсьаго цѣлованія: Радуйся Благодатная. Единоюже хотящу ему идти къ скверному беззаконію, обратися ко образу Пресвятой Богородицѣ(ы), да первѣе совершить обычное свое къ нему моленіе и по семъ идетъ на замышленное злое дѣло; молящуся же ему, абіе нападе страхъ на него, бысть въ ужасѣ, видитъ образъ движущся, и се жива Богородица съ Сыномъ своимъ, на руку держимымъ, зряшеся – отверзошася язвы Младенца въ рукахъ, и ногахъ, и въ боку, и течаше кровь огь язвъ потоками, якоже на крестѣ.
И сіе видѣ грѣшникъ, паде отъ страха и возопи: О Госпоже! кто сіе сотвори? Отвѣща Богородица: ты и прочіе грѣшницы, яже паки, грѣхами, Сына Моего распинаете, якоже іудеи, тогда грѣшникъ возрыдавъ, рече: помилуй мя Мати милосердія. Рече Заступница: Матерь милосердія мя нарицаете, скорби же Мя исполняете и горести дѣлы своими, и рече грѣшникъ: Ни, Владычице, да не преодолѣетъ моя злоба неизреченныя благости и милосердія Твоего, Ты бо еси всѣмъ грѣшникомъ едина надежда и прибѣжище, приклонися убо на милость благая Мати и умоли о мнѣ Сына Твоего и Творца моего. Тогда Преблагословенная Мати нача молити Сына Своего, глаголюще: Благоутробне Сыне мой! любве ради Моея, помилуй сего грѣшника. Отвѣта же Сынъ: не прогнѣвайся Мати Моя, яко не послушаю Тя, ибо Азъ молихъ Отца, да мимо идетъ отъ Мене чаша страстей, и не послуша Мя; рече Мати: помяни, Сыне, сосца, имиже воздоихъ Тя, и прости сего; отвѣща Сынъ: и вторицею молихъ Отца о чашѣ, и не послуша Мя; паки Мати рече: помяни болѣзни Моя, яже претерпѣхъ, егда Ты на крестѣ тѣломъ, азъ же утробою уязвляхся, приходящу оружію душу мою; отвѣща Сынъ: и третицею молихся Отцу, да мимо несетъ чашу, но не благоволи послушати. Тогда Мати воставши, посади Сына и хотяше Ему къ ногамъ припасти. Возопи Сынъ, что хошеши творити, о, Мати! Пребуду, рече, лежащи у ногу Твоею съ симъ грѣшникомъ, дондеже простиши ему грѣхи; тогда Сынъ рече: законъ повелѣваетъ, да Сынъ чтитъ Матерь, правда же хощетъ, да Законодавецъ самъ будетъ закона исполнитель, Азъ Сынъ Твой, Ты же Мати Моя, Азъ Тя долженъ чтити, послушая Твоего моленія, буди, убо якоже хощеши, нынѣ прощаются ему грѣхи Тебе ради, въ знаменіе же прощеніе да лобжетъ Моя язвы.
Воставъ же грѣшникъ трепеща и радуяся, коснуся устнама пречистыхъ язвъ Его. И бѣ въ себѣ скончавшуся видѣнію, и обрѣте сердце свое страха и радости исполнена, и начатъ плакати и рыдати, припадающи ко образу Владычицы, благодаряще и моляше, да якоже видѣ во ужасномъ видѣніи благодать Господню, грѣхи прощающую, сице и всегда помиловану ему быти, и оттолѣ исправль свое житіе, поживе благоугоднѣ. Смотри каково прилежаніе есть Ходатаицы нашей о прощеніи согрѣшеній нашихъ. Слава милосердію Ея, слава неизреченному блэгоутробію Ея, слава богатству щедротъ Ея, нынѣ, и присно, и во вѣки вѣковъ. Аминь.
Второе сказаніе о томъ, како явися Богородица единой дѣвицѣ.
Б.
Оная дѣва, бывшихъ христіанскихъ и благочестивыхъ родителей и во благочестіи была воспитана, послѣди (же) пріиде въ великое заблужденіе и столь жила развратно долгое время. Но Господь, не хотяй смерти грѣшника, а всѣмъ хощетъ спастися и въ разумъ истины пріити и различными способами, и премудрымъ своимъ непостижимымъ промысломъ, приводяй ко спасенію, послалъ ей духовнаго отца, благочестиваго старца, и оное великое имѣлъ тщаніе о ея исправленіи – всячески старался привести ее къ покаянію, и когда она ему во всемъ раскаялась, онъ ей заповѣдь даде читать похвалу Богородицѣ, глаголя ангельское поздравленіе и цѣлованіе полтораста (кратъ) – Богородице Дѣво радуйся и пятнадцать (кратъ) – Отче нашъ... каждый день сіе исправлять и самъ о ней со усердіемъ молился Богоматере и Спасителю и она нѣсколько время оное исправляла со усердіемъ.
И во едино время пріиде во изступленіе, зритъ духомъ, яко Дѣва преблагословенная даде ей пять цвѣтовъ, имиже загладити и грѣхи ея отъ оныхъ книгъ, ихже прежде видѣла. И на первомъ цвѣтѣ написана сине златыми писмены: «помни свое согрѣшеніе и милость Божію, иже тя до селѣ милосердствова». На другомъ цвѣтѣ сице написано: «воспоминай страсти Христа Твоего и крѣпкое житіе святыхъ Божіихъ, и Его же Отецъ невинна Сына Своего самовольно Своею властію восхотѣвша грѣхъ ради нашихъ продавшася показа, и согрѣшенія наша растерза, и отъ сего разумѣй, яко гнусно Богу всякое согрѣшеніе».
На третьемъ написано: «Адама воспоминай, яко единаго ради грѣха рай ему затвориси(я), – и сущихъ по немъ, вси бо грѣховъ ради осудишася во адъ снити. Сіе поминай, яко Богъ грѣшныхъ наказуетъ, отъ нихъ же узриши, колико есть пагубно человѣкомъ согрѣшеніе, и нѣсть тягчайшихъ мукъ противу твоихъ согрѣшеній, въ нихъ же еси пребыла и имиже достойно бяше осудилася еси». На четвертомъ цвѣтѣ написано: «Разумѣй благодѣтельство Божіе, иже тебѣ далъ, яко въ земли христіанской родися и во святой вѣрѣ возрасте и благого закона научился и свѣтъ правды тебѣ показа и отъ муки на животъ изведе, удивлялся сему великому дару Божію, яко нѣсть надъ всѣми сими судьбами Божіими ничтоже превысочайшее».
На пятомъ цвѣтѣ написано: «Воспоминай часто многія и злыя муки, имиже Господь Богъ, Судія праведный, грѣшныхъ наказуетъ, начни, помышляя и отъ Каина, убійцы брата своего, и отъ Хама, иже посмѣяся отцу своему, сихъ ради малыхъ (?) согрѣшеній наказаны быша отъ Бога, и ты множицею злѣе сихъ сотворила еси и ни единаго наказанія достойно свободилася еси; разумѣй множество людей, грѣхъ своихъ ради въ вѣчныхъ мукахъ горятъ и наказаніе пріемлютъ: аще бы возможно всего свѣта богатство мира (міра) сего отдати, то отдали бы за единъ часъ возвратившеся, покаялися о своихъ согрѣшеніяхъ, но невозможно, а ты бездѣльна пребываеши и время имуще, благихъ не творишь, его же они имѣти не могутъ». И скончася видѣніе се.
И паки вмалѣ времени явися ей Іисусъ Христосъ и оныя книги, въ нихъ же написана бысть вся согрѣшенія ея, показуя ей, рече: се книга дѣлъ твоихъ, неизреченныхъ согрѣшеній твоихъ, бысть черно, бѣлостію убѣлися предобрыми цвѣты Матери Моея, ихъ тебѣ даровала и твоими слезами обмыла, и грѣхи твои загладила, нынѣ же на сихъ чистыхъ и бѣлыхъ листахъ благія дѣтели свои напиши, ихъ же ради вѣчно имаши царствовати, еще же начертай терпѣніе и милость ко всѣмъ, имиже азъ зѣло веселюся, зря написаніе се. По семже паки видѣ Матерь Божію, воспоминающи ей о заповѣдяхъ Сына Своего, да исполнитъ во благихъ животъ свой. И оттолѣ невидима бысть.
Е. К.
«Полоцкія Епархіальныя Вѣдомости». 1915. № 27. Отд. Неофф. С. 486-491.
