Празднованіе явленію иконы Божіей Матери «Всѣхъ скорбящихъ Радости» (1688).
Въ 1688 г., въ царствованіе царей Іоанна и Петра Алексіевичей, родная сестра патріарха Іоакима, Евѳимія, жившая въ Москвѣ на Ордынкѣ, такъ страдала отъ раны въ боку, что видны были внутренности. Лежа въ постели, не имѣя силъ даже приподняться безъ помощи другихъ, терпя мучительную боль, доводившую ее до потери сознанія, несчастная больная только и подкрѣпляла себя молитвой, твердо надѣясь получить облегченіе, и эта вѣра спасла больную. Однажды Евѳимія, проснувшись рано утромъ, долго и усердно молилась, читая Іисусову молитву; потомъ съ посторонней помощью приподнявшись на постели, обратилась со слезами съ слѣдующей молитвой къ Царицѣ Небесной: «о, Всемилостивая моя Владычице Богородице! услыши меня немощную и помилуй скорбную, уже на одрѣ смерти лежащую. Весь міръ Тобою хвалится и всѣ пріемлютъ нескудныя Твои милости; только я одна лишаюсь сей благодати Твоей, — и конечно пріемлю достойное наказаніе по моимъ безмѣрнымъ беззаконіямъ и грѣхамъ. Но, о Всемилосердая! не яростію, ниже гнѣвомъ накажи меня, но призри благоутробно на сію лютую немощь мою и помилуй меня. Долго и усердно молилась больная и Пресвятая Владычица услышала ее. Во время молитвы Евѳимія пришла, какъ бы въ изступленіе и услышала голосъ: «Евѳимія! ты такъ долго страдаешь; почему-же ты не прибѣгаешь къ общей всѣхъ Цѣлительницѣ?» — «Гдѣ-же мнѣ найти такую цѣлительницу?» — съ изумленіемъ отвѣчала Евѳимія. — «Есть въ храмѣ Преображенія Сына Моего, — отвѣчалъ невидимый голосъ, — образъ Мой, именуемый «всѣхъ скорбящихъ радость»; онъ стоитъ на лѣвой сторонѣ въ трапезѣ, гдѣ обыкновенно становятся женщины. Призови священника оной церкви съ этимъ образомъ и, когда онъ отслужитъ молебенъ съ водосвятіемъ, ты получишь исцѣленіе отъ своей болѣзни. Исцѣлившись не забывай Моего къ тебѣ милосердія, и исповѣдуй оное въ прославленіе Сына Моего Іисуса Христа и Моего имени». При этихъ словахъ Евѳимія увидѣла какъ-бы діаконскій орарь, развернутый предъ нею и показующій ей храмъ Преображенія. Придя въ себя и узнавъ отъ родныхъ, что дѣйствительно въ храмѣ Преображенія, на Ордынкѣ, есть Икона Богоматери — «Всѣхъ скорбящихъ Радости», она попросила принести ее къ себѣ въ домъ и отслужить молебенъ. Послѣ усердной молитвы предъ св. иконою больная выздоровѣла.
Въ память этого чуда установлено празднованіе въ честь св. иконы Богоматери, «Всѣхъ скорбящихъ Радости», 24-го октября. И съ этого времени, говоритъ составитель сказанія о первомъ чудотвореніи отъ св. иконы, — «иже съ вѣрою притекающіи пріемлютъ неоскудно исцѣленіе; слѣпіи прозрѣніе, нѣміи глаголаніе, глусіи слышаніе, разслабленніи благомощіе и обидиміи мщеніе, бѣсніи цѣломудріе, и неплодныя жены неплодства разрѣшеніе, и ссущіи младенцы и маліи отроцы притекающіи здравіе пріемлютъ, и различныя очныя болѣзни, многая же страхованія и различная приведенія наднесеніемъ сего много чудеснаго образа вся упражняются, и во всякихъ печалѣхъ вспоможеніе пріемлютъ. Поистинѣ убо наречеся сей святый образъ — "Всѣхъ скорбящихъ Радость"». Великая княжна Наталія Алексѣевна, изъ благоговѣнія къ этой иконѣ, сдѣлала съ нея списокъ въ 1711 г. и взяла съ собою въ С.-Петербургъ. Эта икона была при Прутѣ въ рядахъ Русскаго войска. Въ Кіевѣ, въ Срѣтенской церкви хранится икона Богоматери — «Всѣхъ скорбящихъ Радости», стоявшая на каменныхъ Львовскихъ воротахъ. Къ этой иконѣ Кіевляне... имѣютъ особенное почитаніе и по субботамъ приходятъ къ ней на слушаніе акаѳиста.
Благодѣянія Богоматери роду христіанскому чрезъ Ея св. иконы. Изданіе 2-е. СПб. 1905. С. 113-115.
⸭ ⸭ ⸭
Молитвословія Пресвятѣй Владычицѣ нашей Богородицѣ въ честь иконы Ея, именуемѣй «Всѣхъ скорбящихъ Радости».
Молитва.
О, Преcвята́я Богоро́дице, вы́сшая херуви́мъ и честнѣ́йшая серафи́мъ, ро́ждшая Христа́ Бо́га на́шего, а́нгельское вели́кое удивле́ніе, проро́чествія исполне́ніе, богоизбра́нная Отрокови́це, Цари́це не́бу и земли́, всѣ́хъ скорбя́щихъ ра́досте, оби́димыхъ засту́пнице, а́лчущихъ пита́тельнице, обурева́емыхъ приста́нище, больны́хъ посѣще́ніе, немощны́хъ покро́ве и заступле́ніе, си́рыхъ покрови́тельнице, пла́вающихъ тишино́, путеше́ствующихъ поспѣше́ніе, тружда́ющихоя поко́ище, наги́хъ одѣя́ніе, ни́щихъ бога́тство неистощи́мое, ма́терей ти́хое весе́ліе, младе́нцевъ крѣ́посте, всѣ́мъ безпомо́щнымъ гото́вое во все́мъ поможе́ніе, христіа́нскаго ро́да на́шего нело́жная покрови́тельнице. О, Всеми́лостивая Дѣ́во, Влады́чице, Богоро́дице! Тебѣ́ еди́ной отъ Всевы́шняго даде́ся, я́ко Ма́тери, благода́ти да́ръ во все́мъ заступа́ти на́съ и спаса́ти. О, Всепѣ́тая Ма́ти, Дѣ́во Богоро́дице! Услы́ши гла́съ моля́щихся ра́бъ Твои́хъ, и стоя́щихъ предъ чудотво́рною ико́ною Твое́ю: взира́я на о́ную, я́ко и́стинную Тебе́ зри́мъ Богоро́дицу, вѣ́рою и любо́вію отъ души́ припа́дая покланя́емся, и псало́мски дерза́емъ вопи́ти Тебѣ́: слы́ши, Дщи́, и ви́ждь, и приклони́ у́хо Твое́, услы́ши моле́ніе на́ше, я́ко услы́шаны Тобо́ю мно́жество вѣ́рныхъ въ разли́чныхъ ско́рбѣхъ: вся́къ бо по свое́й ско́рби про́ситъ у Тебе́, я́ко отъ Си́льной, по́мощи, избавле́нія и заступле́нія, и Ты́ проше́нія и́хъ, я́ко всѣ́хъ скорбя́щихъ Ра́дость, исполня́еши, и ра́достію ду́ши и́хъ услажда́еши. О, ми́лостивая и преми́лостивая Госпоже́, Цари́це Богоро́дице! Ты́, я́же восхо́щеши, вся́ упроси́ти у Сы́на Твоего́, Христа́ Бо́га на́шего, мо́жеши: не отри́ни на́съ отъ Твоего́ заступле́нія, пода́ждь свобожде́ніе отъ бѣ́дъ и скорбе́й на́шихъ; изба́ви на́съ, Всенепоро́чная, ви́димыхъ и неви́димыхъ враго́въ, и злы́хъ человѣ́къ, клеве́щущихъ на ны́; не попусти́ на на́съ гла́да, тру́са, пото́па, огня́ и меча́; бу́ди на́мъ по́мощію не отсту́пною всегда́, и моли́ Сы́на Твоего́ и Бо́га на́шего, я́ко да одесну́ю поста́витъ на́съ въ стра́шный де́нь суда́, ра́ди Твоего́ предста́тельства о на́съ. Ему́же сла́ва, и держа́ва, со Безнача́льнымъ Его́ Отце́мъ и Святы́мъ Ду́хомъ, ны́нѣ и при́сно, и во вѣ́ки вѣко́въ. Ами́нь.
Молитва иная.
О, Пресвята́я Дѣ́во, Ма́ти Христа́ Бо́га на́шего, Цари́це небесе́ и земли́! Вонми́ болѣ́зненному воздыха́нію ду́шъ на́шихъ, при́зри съ высоты́ святы́я Твоея́ на на́съ, съ вѣ́рою и любо́вію покланя́ющихся пречи́стому о́бразу Твоему́. Се́ бо грѣха́ми погружа́еми, и скорбя́ми обурева́еми, взира́я на о́бразъ Тво́й, прино́симъ Тебѣ́ смире́нная моле́нія на́ша: не и́мамы бо ины́я по́мощи, предста́тельства и утѣше́нія, ра́звѣ Тебе́, о Ма́ти всѣ́хъ скорбя́щихъ и обремене́нныхъ; помози́ на́мъ, немощны́мъ, утоли́ ско́рбь на́шу, наста́ви на́съ, заблу́ждшихъ на пу́ть пра́вый, уврачу́й болѣ́зненныя сердца́ на́ши, и спаси́ безнаде́жныхъ, да́руй на́мъ про́чее вре́мя живота́ на́шего въ ми́рѣ и покая́ніи соверши́ти, пода́ждь христіа́нскую кончи́ну, и на стра́шномъ судѣ́ Сы́на Твоего́ яви́ся на́мъ милосе́рдною Предста́тельницею, да всегда́ пое́мъ, велича́емъ и сла́вимъ Тя́, я́ко Благу́ю Засту́пницу ро́да христіа́нскаго, со всѣ́ми угоди́вшими Бо́гу. Ами́нь.
Молитва иная.
О, Пресвята́я Влады́чице Богоро́дице, вы́шшая херуви́мъ и честнѣ́йшая серафи́мъ, Богоизбра́нная Отрокови́це, всѣ́хъ скорбя́щихъ Ра́досте! Пода́ждь утѣше́ніе и на́мъ, въ ско́рби су́щимъ: ра́звѣ бо Тебе́ ино́го прибѣ́жища и по́мощи не и́мамы. Ты́ еди́на еси́ ра́дости на́шея хода́таица, и я́ко Ма́терь Бо́жія и Ма́ти милосе́рдія, предстоя́щи у престо́ла Пресвяты́я Тро́ицы, мо́жеши на́мъ помощи́: никто́же бо притека́яй къ Тебѣ́ посра́мленъ отхо́дитъ. Услы́ши у́бо и на́съ, ны́нѣ въ де́нь ско́рби предъ Твое́ю ико́ною припа́дающихъ и со слеза́ми Тебѣ́ моля́щихся: отжени́ отъ на́съ належа́щія на на́съ ско́рби и печа́ли въ се́й вре́меннѣй жи́зни, не лише́ны же ны́ сотвори́ Твои́мъ всеси́льнымъ хода́тайствомъ и вѣ́чныя несконча́емыя ра́дости въ Ца́рствіи Сы́на Твоего́ и Бо́га на́шего, Ему́же подоба́етъ вся́кая сла́ва, че́сть и поклоне́ніе, со Безнача́льнымъ Его́ Отце́мъ, и со Пресвяты́мъ и Благи́мъ и Животворя́щимъ Его́ Ду́хомъ, ны́нѣ и при́сно и во вѣ́ки вѣко́въ. Ами́нь.
Молитва иная.
Цари́це моя́ Преблага́я, наде́ждо моя́ Богоро́дице, прія́телище си́рымъ, и стра́ннымъ предста́тельнице, скорбя́щимъ ра́досте, оби́димымъ покрови́тельнице! Зри́ши мою́ бѣду́, зри́ши мою́ ско́рбь: помози́ ми, я́ко не́мощну, окорми́ мя, я́ко стра́нна. Оби́ду мою́ вѣ́си, разрѣши́ ту́, я́ко во́лиши. Яко не и́мамъ ины́я по́мощи, ра́звѣ Тебе́, ни ины́я предста́тельницы, ни благíя утѣ́шительницы, то́кмо Тебе́, о Богома́ти, я́ко да сохрани́ши мя́ и покры́еши во вѣ́ки вѣко́въ. Ами́нь.
Тропарь, гласъ 4-й:
Къ Богоро́дицѣ прилѣ́жно ны́нѣ притеце́мъ, грѣ́шніи и смире́нніи, и припаде́мъ, въ покая́ніи зову́ще изъ глубины́ души́: Влады́чице, помози́, на ны́ милосе́рдовавши, потщи́ся, погиба́емъ отъ мно́жества прегрѣше́ній, не отврати́ Твоя́ рабы́ тщи́, Тя́ бо и еди́ну наде́жду и́мамы.
Инъ тропарь, гласъ тойже:
Не умолчи́мъ никогда́, Богоро́дице, си́лы Твоя́ глаго́лати, недосто́йніи. Аще бо Ты́ не бы́ предстоя́ла, моля́щи, кто́ бы на́съ изба́вилъ отъ толи́кихъ бѣ́дъ? Кто́ же бы сохрани́лъ до ны́нѣ свобо́дны? Не отсту́пимъ, Влады́чице, отъ Тебе́, Твоя́ бо рабы́ спаса́еши при́сно отъ вся́кихъ лю́тыхъ.
Кондакъ, гласъ 6-й:
Не и́мамы ины́я по́мощи, не и́мамы ины́я наде́жды, ра́звѣ Тебе́, Влады́чице, Ты́ на́мъ помози́, на Тебе́ надѣ́емся и Тобо́ю хва́лимся, Твои́ бо есмы́ раби́, да не постыди́мся.
Величаніе:
Велича́емъ Тя́, Пресвята́я Дѣ́во, и чте́мъ о́бразъ Тво́й святы́й, и́мже то́чиши исцѣле́нія всѣ́мъ, съ вѣ́рою притека́ющимъ.
Изъ Акаѳистовъ Пресвятѣй Богородицѣ «Всѣхъ скорбящихъ Радости». (Нижній-Новгородъ 1913), (СПб. 2009).
⸭ ⸭ ⸭
Указъ Свтителя Іоанна (Максимовича) о правильномъ именованіи храма въ честь св. иконы Богоматери, «Всѣхъ скорбящихъ Радости».
Ввиду вошедшяго въ употребленіе сокращеннаго наименованія Каѳедральнаго собора «Свято-Скорбященскимъ», разъясняется, что означенный соборъ во имя Пресвятой Богородицы имѣетъ своей храмовой иконой образъ не Скорбящей Божіей Матери, изображающей скорбь Ея, а образъ Всѣхъ скорбящихъ Радости, изображающий радость всей Ею окормляемыхъ и утешаемыхъ. Посему, какъ олицетворяющій радость, а не скорбь, образъ сей, и носящій его имя соборъ, долженъ называться въ случаѣ сокращенія его именованія Скорбящимъ-Радостнымъ или Радосте-Скорбященскимъ, какъ и полагается впредь именовать его при сокращеніи его имени.
См. также:
Храмъ Богоматери всѣхъ скорбящихъ Радости, на Большой Ордынкѣ.
Чудесныя исцѣленія по молитвѣ предъ иконою Богоматери «Всѣхъ скорбящихъ радости» съ грошиками.
Чудо по молитвѣ передъ образомъ Б. М. «Всехъ скорбящихъ Радостѣ» въ Вологодѣ.
Чудесное исцѣленіе по молитвѣ предъ иконою Богоматери «Всѣхъ скорбящихъ радости» («съ грошиками»).
