Чинъ благословенія новаго меда.

По началѣ обычномъ, Господу помолимся, и молитва сія:

Необыменный въ милости и неизреченный во щедротахъ, Господи Іисусе Христе, дивенъ Сый во славѣ и творяй чудеса. Ты, дѣйствомъ Святаго Духа иногда благословивый Израиля, и его медомъ насытивый отъ камене, Самъ и нынѣ призри свыше на созданіе Твое сіе, и благословеніемъ Твоимъ небеснымъ благослови и освяти соты пчелъ и отъ нихъ медъ, и подаждь ему дѣйственну благодать, паче всѣхъ совершенну, да всякъ отъ него вкушающій, пріемлющій и ядущій обрящетъ благополучное здравіе, и пищею сею насытится, и исполнится всякаго блага. Яко Ты еси подаваяй всяческая благая, и Тебѣ славу возсылаемъ, со Безначальнымъ Твоимъ Отцемъ и Пресвятымъ и Благимъ и Животворящимъ Твоимъ Духомъ, нынѣ, и присно, и во вѣки вѣковъ. Аминь.

И кропитъ священною водою.

Дополнительный Требникъ, изъ разныхъ церковныхъ книгъ собранная и на свѣтъ изданная, трудомъ и иждивеніемъ Іерея Василія Николаевичьа, Пароха Ирижкаго. Новый Садъ 1887. С. 226.

КАНОН - Свод законов православной церкви



«Благотворительность содержит жизнь».
Святитель Григорий Нисский (Слово 1)

Рубрики:

Популярное:

Церковный календарь:

© Церковный календарь



Подписаться на рассылку: