Слово огласительное на Святую Пасху иже во святых отца нашего святителя Иоанна Златоуста.
СЛОВО ОГЛАСИТЕЛЬНОЕ
во святый и светоносный день преславнаго и спасительнаго Христа Бога нашего Воскресения
иже во святых отца нашего Иоанна, архиепископа Константинопольскаго, Златоустаго.
Аще кто благочестив и боголюбив, да насладится сего добраго и светлаго торжества. Аще кто раб благоразумный, да внидет, радуяся, в радость Господа своего. Аще кто потрудися постяся, да восприимет ныне динарий. Аще кто от перваго часа делал есть, да приимет днесь праведный долг. Аще кто по третием часе прииде, благодаря да празднует. Аще кто по шестом часе достиже, ничтоже да сумнится, ибо ничимже отщетевается. Аще кто лишися и девятаго часа, да приступит, ничтоже сумняся, ничтоже бояся. Аще кто точию достиже и во единонадесятый час, да не устрашится замедления: любочестив бо Сый Владыка, приемлет последняго якоже и перваго: упокоевает в единонадесятый час пришедшаго, якоже делавшаго от перваго часа. И последняго милует, и первому угождает, и оному дает, и сему дарствует, и дела приемлет, и намерение целует, и деяние почитает, и предложение хвалит. Темже убо внидите вси в радость Господа своего: и первии и втории, мзду приимите. Богатии и убозии, друг со другом ликуйте. Воздержницы и ленивии, день почтите. Постившиися и непостившиися, возвеселитеся днесь. Трапеза исполнена, насладитеся вси. Телец упитанный, никтоже да изыдет алчай, вси насладитеся пира веры: вси восприимите богатство благости. Никтоже да рыдает убожества, явися бо общее Царство. Никтоже да плачет прегрешений, прощение бо от гроба возсия. Никтоже да убоится смерти, свободи бо нас Спасова смерть, угаси ю, Иже от нея держимый, плени ада, Сошедый во ад! Огорчи его вкусивша плоти Его. И сие предприемый Исаиа возопи: ад, глаголет, огорчися, срет Тя доле: огорчися, ибо упразднися: огорчися, ибо поруган бысть: огорчися, ибо умертвися: огорчися, ибо низложися: огорчися, ибо связася. Прият тело, и Богу приразися: прият землю, и срете небо: прият еже видяше, и впаде во еже не видяше. Где твое, смерте, жало? Где твоя, аде, победа? Воскресе Христос, и ты низверглся еси. Воскресе Христос, и падоша демони. Воскресе Христос, и радуются Ангели. Воскресе Христос, и жизнь жительствует. Воскресе Христос, и мертвый ни един во гробе. Христос бо, востав от мертвых, Начаток усопших бысть. Тому слава и держава во веки веков. Аминь.
Перевод на современном русском языке:
Св. отца нашего Іоннна Златоустаго огласительное слово на Св. Пасху.
Кто благочестивъ и Боголюбивъ, тотъ пусть насладится настоящимъ святымъ и великолѣпнымъ торжествомъ (Лук. 14, 17). Кто рабъ мудрый, тотъ пусть съ радостію войдетъ въ радость Господа своего (Матѳ. 25, 21). Кто утрудился отъ поста, тотъ пусть возметъ нынѣ динарій (Матѳ. 12, 13){*}. Кто работалъ отъ перваго часа, тотъ пусть получитъ нынѣ должную, плату. Кто пришелъ послѣ третьяго часа, тотъ пусть не безпокоится: онъ ничего не лишится. Кто поспѣшилъ придти послѣ шестаго часа, тотъ пусть не безпокоится: онъ ничего не лишится. Кто замедлилъ до девятаго часа, пусть и тотъ приступитъ безъ всякаго опасенія. Кто даже успѣлъ придти только въ одинадцатый часъ, пусть и тотъ не страшится за свое замедленіе. Домовладыка благороденъ и щедръ: принимаетъ и послѣдняго какъ перваго, успокоиваетъ пришедшаго въ одинадцатый часъ также, какъ и трудившагося съ перваго часа. Онъ и о послѣднемъ милосердствуетъ и о первомъ печется; и тому даетъ и этому даруетъ; Онъ и о дѣлахъ радуется, и намѣренія съ любовію принимаетъ, и дѣйствію воздаетъ честь и расположеніе хвалитъ (Матѳ. 20, 1-10){**}.
И такъ, всѣ войдите въ радость Господа нашего! Первые и послѣдніе получите мзду! Богатые и бѣдные ликуйте другъ съ другомъ! Трудившіеся и нерадивые почтите настоящій день! Постившіеся и непостившіеся веселитесь нынѣ! Трапеза обильна; всѣ насыщайтесь! Телецъ великъ и упитанъ: никто не уходи голоднымъ! Всѣ наслаждайтесь на пиршествѣ вѣры! Всѣ пользуйтесь богатствомъ благости! Никто не жалуйся на бѣдность: потому что для всѣхъ настало царство! Никто не плачь о грѣхахъ своихъ; потому что изъ гроба возсіяло прощеніе. Никто не страшись смерти; потому что отъ нея освободила насъ смерть Спасителя. Объятый смертію истребилъ смерть; Сошедшій во адъ расхитилъ адъ и огорчилъ того, который коснулся Его плоти. Исаія, давно предузнавъ это, воскликнулъ: адъ огорчися, встрѣтивъ тебя въ преисподнихъ своихъ (Ис. 14, 9)! Онъ огорчился, потому что упраздненъ. Онъ огорчился, потому что поруганъ. Огорчился, потому что умерщвленъ. Огорчился, потому что сокрушенъ. Огорчился, потому что связанъ. Онъ взялъ плоть, а принялъ (въ ней) Бога; взялъ землю, а нашелъ въ ней Небо; онъ взялъ то, что видѣлъ, а подвергся тому, чего и не ожидалъ.
Смерть, гдѣ твое жало? Адъ, гдѣ твоя побѣда? (1 Кор. 15, 55). Христосъ воскресъ: и ты низложился. Христосъ воскресъ: и пали демоны. Христосъ воскресъ: и радуются Ангелы. Христосъ воскресъ: и водворяется жизнь. Воскресъ Христосъ: нѣтъ ни одного мертваго во гробѣ, потому что Христосъ воскресшій изъ мертвыхъ начатокъ умершимъ бысть (1 Кор. 15, 20): Ему слава и держава во вѣки вѣковъ Аминь.
{*} Динарій, онъ же и пенязь (Матѳ. 18, 28; 20, 2; 22, 19; Іоан. 6, 7; Апок. 6, 6) была монета серебрянная и золотая. Первая составляла четвертую часть имперіала и ею, обыкновенно, платилась Подать; вторая – была вдвое болѣе и называлась священною.
{**} Здѣсь ссылка на притчу Спасителя о дѣлателяхъ въ виноградникѣ (Матѳ. 20, 16).
