Молитва на Рождество Христово сыномъ духовнымъ.
По утрени (или часахъ) первого дня Рождественскаго поста (или иного дня 1-й постной седмицы), священникъ совершаетъ чтеніе молитвъ въ постъ идущимъ чадамъ духовнымъ. Чтеніе допускается и на дому прихожанъ, но непремѣнно на 1-й недѣлѣ поста.
Владыко, Господи Боже, Вседержителю, егда родился еси отъ Дѣвы Маріи въ Виѳлеемѣ Іудейстѣмъ, трепетно тварь просвѣтися, и міръ возрадовася рождеству Твоему. Сотворивый человѣка по образу Твоему и по подобію, и давый ему крещеніе въ покаяніе; введый рабы Твоя въ пречестныя дни сія, къ воздержанію страстемъ, къ надеждѣ воскресенія, наставляя ихъ на истину Твоего Божества, отверзи имъ сердце и умъ знати Тя Сына Божія, вземлющаго грѣхи всего міра! Ты и нынѣ Владыко, Человѣколюбче, пріими рабы Твоя N. N., якоже пріялъ еси Петра утопающа въ мори, и отвергшагося Тебе трижды и плакавшагося горько, и паки пріята Тобою; пріими и нынѣ, Владыко, слезы и воздыханіе и покаяніе рабовъ Твоихъ, якоже пріятъ мытарево воздыханіе, и блудницу плакавшуюся, и слезами омочившую нозѣ Твои, и власы своими отершую милости ради. Пріемый разбойника съ Собою, на крестѣ вопіюща къ Тебѣ «помяни мя, Господи, егда пріидеши во царствіи Твоемъ», и рекій ему: «днесь со Мною будеши въ рай»! Слышахомъ гласъ глаголющій, и волхвомъ кланяющимся съ дары, пастыремъ свиряющимъ{*} и Ангеломъ воспѣвающимъ: «слава въ вышнихъ Богу и на земли миръ, въ человѣцѣхъ благоволеніе», и Иродъ мятяшеся, яко Богъ плотію явися на спасеніе роду человѣческому. Тя нынѣ, Владыко, Человѣколюбче, вся тварь воспѣваетъ глаголющи: «Христосъ рождатся, славите, Христосъ съ небесе, срящите, Христосъ на земли, возноситеся». Нынѣ Ангельстіи собори радуются, и мученичестіи лицы веселятся, видѣвше славное и честное Рождество, да вси достойно похвалимъ сердцемъ и усты. И нынѣ, благій Человѣколюбче, Господи, пріими рабы Твоя сія N. N.. кающіяся грѣховъ своихъ, вѣдомыхъ и невѣдомыхъ, вольныхъ и невольныхъ, и обычнымъ человѣколюбіемъ Твоимъ, пріими колѣнное поклоненіе и постъ рабовъ Твоихъ N. N., да скончавше заповѣди Твоя, и достигше нынѣ святаго и честнаго Рождества Твоего, чисти и безъ порока будутъ причастницы пречистаго тѣла и честныя крове Твоея, яко Тебѣ подобаетъ слава со Отцемъ и со Святымъ Духомъ, нынѣ и присно, и во вѣки вѣковъ, аминь.
Книга молебныхъ пѣній Православной Каѳолической Восточной Церкви. Нѣмецкій переводъ съ параллельнымъ славянскимъ текстомъ, провѣреннымъ по греческимъ оригиналамъ, протоіерея Алексѣя Мальцева, mag. theol., Наcтоятеля церкви при Императорскомъ Россійскомъ Посольствѣ въ Берлинѣ. Берлинъ 1897. С. 553-557.
{*} Играющимъ на свирѣли. Свиряти, свиряніе црк. играть на свирели, играніе.
А наша ужъ доля такая: мы пастыри словеснаго стада Христова обязаны посѣщать домы духовныхъ чадъ своихъ для чтенія молитвы "на Рождество Христово сыномъ духовнымъ" и для назиданія, не взирая ни на грязь, ни на стужу.
Преподобноисповѣдникъ Серафимъ (Сангушко-Загоровскій) «Школа и жизнь» (Изъ воспоминаній, наблюденій и впечатлѣній сельскаго пастыря). // «Извѣстія по Харьковской епархіи». 1904. № 18. С. 881.
См. также:
Замѣтка протоіерея Ѳеофана Драгомирецкаго: «О молитвахъ, которыя обыкновенно читаютъ сельскіе священники своимъ прихожанамъ въ св. Четыредесятницу и въ постъ предъ Рождествомъ Христовымъ».
